Издательский дом Редакция Подписка
Погода в Якутске: . -12 oC

Таатта улууһугар XX Бэтэрээннэр спартакиадалара үрдүк таһымҥа буолан ааста.

Таатта улууһугар XX Бэтэрээннэр спартакиадалара үрдүк таһымҥа буолан ааста.

Спартакиада аһыллыытыгар улуус баһылыга Михаил Соров, Таатта нэһилиэгин баһылыга Егор Павлов, Бэтэрээннэр сэбиэттэрин бэрэссэдээтэлэ Маргарита Попова, кылаабынай судьуйа Михаил Тарасов эҕэрдэ тыллары эттилэр.

вет-_глава.jpg

Үөрүүлээх тэрээһин Таатта нэһилиэгин аҕам саастаахтарын хуорун толоруутунан аһылынна. Бүтэһик спартакиада 2020 сыллаахха ыытыллыбыта. Быйылгы спартакиадаҕа кыра уонна улахан нэһилиэктэр диэн арахсан, 12 хамаанда күөн көрүстэ.

вет-3.jpg

Уруккуттан буоларын курдук, спартакиада күрэхтэһиитин көрүҥнэригэр эстафета, волейбол, остуол тенниһэ, салгын саанан ытыы, саахымат, дуобат уонна сахалыы остуол оонньуулара киирдилэр.

вет_-1.jpg

Спартакиаданы кылаабынай судьуйа Михаил Тарасов сүрүннээн, иилээн-саҕалаан ытта. Күрэхтэһиилэр Илларион Федосеев аатынан Оҕо спортивнай оскуолатыгар, нэһилиэктээҕи Култуура, успуорт киинигэр, Албан аат мусуоугар уонна «Алгыс» балаҕаҥҥа аттарыллан ыытылыннылар.

вет-_быставка.jpg

Анатолий Мурунов улуус успуорка ситиһиитин, араас көлүөнэ чулуу спортсменнарын ситиһиилэрин сырдатар баай матырыйааллаах быыстапката Спартакиада ис хоһоонун ситэри байытта.

вет-_2.jpg

Түмүккэ улахан бөлөххө Таатта нэһилиэгин хамаандата кыайыыны сурунна, иккис миэстэҕэ Баайаҕа нэһилиэгин хамаандата таҕыста, үһүс миэстэни Орто Амма нэһилигин хамаандата ылла. Оттон кыра бөлөххө Амма нэһилиэгин хамаандата кыайда, иккис миэстэҕэ Дьүлэй нэһилиэгин хамаандата, үһүс миэстэҕэ Тыараһа нэһилиэгин хамаандата тигистилэр.

вет-_общее.jpg

  • 8
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением