Издательский дом Редакция Подписка
Погода в Якутске: . 6 oC

Бэс ыйын 15 күнүгэр олох уустук балаһыанньатыгар түбэспит дьоҥҥо көмөлөһөр аналлаах «Дьиэҕэ тиэрдэр ыллык» диэн социальнай аахсыйа ыытылынна.

Бэс ыйын 15 күнүгэр олох уустук балаһыанньатыгар түбэспит дьоҥҥо көмөлөһөр аналлаах «Дьиэҕэ тиэрдэр ыллык» диэн социальнай аахсыйа ыытылынна.

ИДьМ чахчытынан, халлаан сылыйдар эрэ, үлэтэ-хамнаһа суох, ускул-тэскил сылдьар дьон буруйу оҥоруута элбиир. Барыллаан ахсаанынан, өрөспүүбүлүкэ үрдүнэн оннук олохтоох-дьаһахтаах 400 киһи баар. Бу -- үксүлэрэ улуустартан төрүттээх, аймах-билэ дьоннорун кэлэтэн тэйиппит дьоннор. Ити эрээри, кинилэр истэригэр киһилии олоххо төннүөхтэрин баҕарааччылар аҕыйаҕа суохтар, дьэ ол иһин маннык аахсыйа тэриллэр.

ДП-5.jpeg

Бэҕэһээ «Хоттей» эргиэн киинин таһыгар уочараттаах аахсыйа тэриллэн, көмөҕө наадыйар ускул-тэскил сылдьар дьону терапевт, нарколог, психолог быраастар уонна чөлүгэр түһэрэр кииннэр үлэһиттэрэ көрүстүлэр, тустаах сулууспа исписэлиистэрэ докумуоннарын сүтэрбиттэргэ сүбэ-ама оҥордулар, итии аһылыгы тэрийдилэр. Аахсыйаҕа кэлбиттэр быраастарга көрдөрүннүлэр, ВИЧ-инфекцияҕа анаалыс туттардылар, флюорографка түстүлэр. Аахсыйа чэрчитинэн, байыаннай комиссариат, социальнай пуонда пууннара уонна «Дойдум» диэн кэммиэрчэскэйэ суох аптаныамынай тэрилтэ үлэлээтилэр.

ДП-1.jpeg

– Барыта 72 киһини приемнаатыбыт. 15 киһи сэлликкэ уорбаланна, онтон үс киһи балыыһаҕа угулунна. ВИЧ ыарыы биир, В гепатит үс, С гепатитит сэттэ, сифилис үс киһиэхэ баара билиннэ, аҕыс киһи наркологическай диспансерга ыытылынна. Докумуоннарын сүтэрбит 36 киһи кэлэ сырытта, алта киһиэхэ саҥа пааспар, 22 киһиэхэ СНИЛС бэрилиннэ. Чөлүгэр түһэрэр кииннэргэ: «Тирэххэ» алта, «Олох суолугар» түөрт, «Алмазка» биэс киһи киирэр буолла. Икки киһи байыаннай хантараагы түһэрсэргэ кэпсэттэ. 

ПД-7.jpeg

«Дьиэҕэ тиэрдэр ыллык» аахсыйа бэрт көдьүүстээх дьаһал. Манна көмөнү ылбыт дьонтон бэл биир киһи көнөр суолга турунара сырабыт халтайга хаалбатаҕын көрдөрөр. Арассыыйа хас биирдии гражданин туруктаах олохтоох, үлэлээх-дьарыктаах буолуохтаах, ол иһин, бүдүрүйбүт дьоҥҥо болҕомто, киһилии сыһыан, тирэх наада, – диир киһи быраабыгар боломуочунай Сардаана Гурьева.

ДП-4.jpeg

Саха Өрөспүүбүлүкэтигэр «Дьиэҕэ тиэрдэр ыллык» социальнай аахсыйа 2018 сыллаахтан тэриллэр, бу кэм устатыгар 900 киһиэхэ көмө оҥоһулунна, олортон сорохторо киһилии олоххо эргилиннилэр диэн киһи быраабыгар өрөспүүбүлүкэ боломуочунайын пресс-сулууспата иһитиннэрэр.

ДП-2.jpeg

  • 4
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
В Ил Тумэне

Связующее звено

На очередном пленарном заседании Госсобрания Якутии депутатам предстоит утвердить членов…
20.04.24 11:51