Ресурсанан хааччыйар киин өҥөнү оҥорууга салаатын салайааччы Майя Гуляева бэлиэтииринэн, быйыл даҕаны саҥа саҕалыыр бааһынай хаһаайыстыбалар көхтөөхтүк кыттан эрэллэр. Ынах сүөһүнү, сылгыны, табаны, мүөттээх ыҥырыаны, хааһы, өндүүгү иитэргэ итиэннэ эти уонна балыгы астыырга туһуламмыт бизнес-бырайыактары оҥорон аҕалбыттар.
– Биһиги «Агростартап», «Дьиэ кэргэн пиэрмэлэрин сайыннарыы», «Агротуризм» курдук үлэни-хамнаһы тэрийэргэ анаммыт бырагыраамалар граннарыгар уонна кэпэрэтииптэр ороскуоттарын сорох чааһын толуйууга көрүллэр субсидияларга кыттыахтарын баҕарар дьоҥҥо, хаһаайыстыбаларга сүбэлээн-амалаан көмөлөһөбүт. Бу сыл саҕаланыаҕыттан 20 сэминээри ыыттыбыт, олорго 300 киһи кытынна, – диир Майя Гуляева.
Быйыл «Агростартап» гранынан өйөбүлүгэр 92,2 мөл. солк., ол иһигэр федерацияттан 33,3 мөл. солк. көрүллүбүт. Бу куонкурус «Дьоҕус уонна орто урбаан итиэннэ биирдэм урбаан көҕүлээһинин өйөөһүн» национальнай бырайыак чэрчитинэн ыытыллар.
-
0
-
0
-
0
-
0
-
0
-
0
