Биллэн турар, бу киһи доруобуйатыгар сыанан-арыынан аҕаабат. Онон буруоттан харыстанар хайаан да наада.
Буруо турар кэмигэр таһырдьа улахан наадата суох өр, итиэннэ сылайыахха диэри сылдьартан туттунуохха наада диэн эмчиттэр сүбэлииллэр. Таһырдьа сылдьарга мааска, респиратор хайаан да туттуллуохтаах. Бу ордук кырдьаҕас, эбэтэр ыарыһах дьоҥҥо, оҕолорго наадалаах.
Элбэх ууну иһиллиэхтээх. Үүт, суорат, быырпах эмиэ туһалаахтар. Ол оннугар гаастаах утахтары хааччахтаныллар.
Киһи куртаҕа чэпчэкитик буһарар уонна битэмииннээх астары, оҕуруот аһын сиир ордук.
Эт-сиин ноҕуруускатын аҕыйатыллыахтаах.
Түннүк уонна аан хайаҕастарын инчэҕэй тирээпкэнэн сото сылдьыллар, кондиционер холбонор.
Дьиэҕэ мунньуллубут буортулаах эттиктэри суох оҥорорго күн аайы сииктээх тирээпкэнэн дьиэни-уоту сууйуллар. Күҥҥэ хаста да душтанар туһалаах.
Доруобуйа туруга мөлтөөбүтүн биллэххэ (сэниэ суох, мэйии эргийэр, тыынарга ыарахан, сөтөл киирэр, утуйбат буолар түбэлтэтигэр) суһал көмөнү ыҥырыллар.
Хаартыска аһаҕас источниктан ылылынна.
-
0
-
0
-
0
-
0
-
0
-
0
