Хаҥалас улууһун II Малдьаҕар нэһилиэгэр баар «Бөртө» сылгы собуота» хааччахтаммыт эппиэтинэстээх тэрилтэҕэ (салайааччы Александр Павлов) Надежда Серафимовна Васильева өр сыллартан осеменатордыыр. Идэтигэр бэриниилээх, үтүө суобастаах исписэлиис быһыытынан биллэр, бииргэ үлэлиир дьонугар ытыктанар.
Кини улахан кыыһа Кэрэчээнэ быйыл саас Дьокуускайдааҕы тыа хаһаайыстыбатын техникумун ситиһиилээхтик бүтэрэн кэлэн, «Бөртөҕө» зоотехнигынан ананан үлэлээбитэ үһүс ыйа буолла. Эдэр исписэлииһи хаһаайыстыба сүрүн зоотехнига Маргарита Макарова ынах сүөһүнү көрүү-истии технологиятын муударастарын баһылыырга үөрэтэ-такайа сылдьар.
Кыра кыыс Мичийээнэ хойукку төрүөх 30 ньирэйи көрөн сайылаата. Хас биирдии ньирэйин сууккатааҕы эбиллиитэ лоп-курдук биир киилэ буолары ситистэ. Бу ыйтан Елизавета Елисеева илдьэ сылдьыбыт ньирэйдэрин тутан, билигин барыта 87 нирэйи көрөр. Мичийээнэ кыһын дьонун кытары пиэрмэҕэ үлэлииргэ бигэтик быһаарынна.
Ити курдук, үлэлииргэ сөптөөх усулуобуйа баар итиэннэ хамнас куһаҕана суох буоллаҕына, ыччат дойдутугар олохсуйан үлэлиир.
Ульяна Семенова хаартыскаҕа түһэриитэ
-
6
-
0
-
0
-
0
-
0
-
0
