Быйыл сүүрбэ бэһис төгүлүн тэриллэр Бүтүн Арассыыйатааҕы «Көмүс күһүн – 2023» быыстапка-дьаарбаҥкаҕа Саха Өрөспүүбүлүкэтиттэн АПК эппиэттээх үлэһиттэриттэн, астыыр-таҥастыыр салаа уонна агрооскуола бэрэстэбиитэллэриттэн састааптаах дэлэгээссийэ тиийэн үлэлии сылдьар.
АПК үлэһиттэрин түмэр дьоһун түһүлгэ сүрүн былаһааккатынан К.А.Тимирязев аатынан Арассыыйатааҕы судаарыстыбаннай аграрнай университет буолла, онон сүрүн болҕомто аграрнай науканы уонна үөрэхтээһини сайыннарыыга уурулунна. Быыстапкаҕа үгэс курдук, дойду АПК эйгэтигэр ситиһиилэрэ, эрэгийиэннэргэ ыытыллар үлэ бастыҥ уопута, аныгы технологиялар, талыы боруода сүөһүлэр уо.д.а. көрдөрүүгэ туруорулуннулар.
Араас хайысхаларынан дискуссиялар, «төгрүк остуоллар» итиэннэ бородууксуйа быыстапкалара тэриллэллэр. Онно барытыгар Саха сирин дэлэгээссийэтэ көхтөөхтүк кыттар.
Астыыр-таҥастыыр салааҕа Уус Алдантан «Дүпсүн» кэпэрэтиип арыыта кыһыл көмүс мэтээлинэн наҕараадаланна! Ити курдук мэтээллэр кэккэлэһэн истиннэр!
-
6
-
0
-
0
-
0
-
0
-
0
