Ааспыт өрөбүллэргэ Мэҥэ Хаҥалас улууһун «Чүүйэ» муниципальнай хаһаайыстыбаҕа Калуга уобалаһын «Кыһыл кэмбинээт» хааччахтаммыт эппиэтинэстээх тэрилтэттэн 50 симменталь боруода тыһаҕаһы аҕаллылар. Итиччэ ыраах сиртэн анал массыынанан тиэйиллэн кэлбит сүөһүлэр уһун айаны этэҥҥэ тулуйбуттар.
Арыаллааччылар санитарнай бэтэринээринэй ирдэбиллэри толору тутуспуттар, аара сүөһүлэри аһатар кэмҥэ аһатан, уулатар кэмҥэ уулатан, үчүгэйдик көрөн-истэн аҕалбыттар.
Билигин сүөһүлэр Чүүйэҕэ олохтоох сирдэрин булан, харантыыҥҥа туруорулуннулар диэн Тыа хаһаайыстыбатын уонна ас-үөл бэлиитикэтин министиэристибэтин пресс-киинэ иһитиннэрэр.
- 0
- 0
- 0
- 0
- 0
- 0