Кинилэр дойду Аартыкатааҕы зонатыгар производство тобохторун дьаһайыы, харайыы уонна туһаныы боппуруостарыгар нуормаламмыт быраап аакталарын тупсарар туһунан кэпсэттилэр. “Производство тобохторун уонна ону туһаныы туһунан” федеральнай сокуоҥҥа уларытыылары киллэрэр туһунан” Ил Түмэн көҕүлээһинигэр киинтэн ыраах сытар, суола-ииһэ суох, тыйыс усулуобуйалаах территорияларга кытаанах хомунаалынай тобоҕу дьаһайыы боломуочуйатын субъектарга биэрэр туһунан этиллэр. Ону таһынан ити территорияларга кытаанах хомунаалынай тобоҕу дьаһайыы уратытын кэрискэтин быһаарар итиэннэ харайыы болдьоҕун уон икки ыйга диэри уһатар боломуочуйаны эмиэ субъектарга биэриллиэхтээх. Бу этии нэһилиэнньэлээх пууннартан ыраах сытар, мөлтөх суоллаах-иистээх территориялартан, ол иһигэр сир баайын хостооччулар баахтабай бөһүөлэктэриттэн, кытаанах хомунаалынай тобоҕу тиэйэн таһаарыы кыһалҕатын быһаарарга тирэх буолар диэн Ил Түмэн пресс-сулууспата иһитиннэрэр.
- 0
- 0
- 0
- 0
- 0
- 0