«Киин куораттааҕы балыыһаҕа үлэлиир Саха Сирин быраастарыгар көмөҕүт иһин махтанабын. Бу сылга былааннаммыт үлэлэр барыта толору түмүктэннилэр. 41 эбийиэккэ көдьүүстээх үлэлэр ыытылыннылар. ОДьКХ уонна хочуолунайдар ситимнэрин чөлүгэр түһэрии, суол-иис, үөрэх уонна мэдиссиинэ тэрилтэлэрин өрөмүөннээһин, анал тиэхиньикэнэн хааччыйыы, оҕолору чэбдигирдии, уо.д.а.», – диэн Денис Пушилин эттэ.
Кировскай куоракка Саха Сирин көмөтүнэн оскуолалар чөлүгэр түһэриллибиттэрэ, МФЦ отделениета аһыллыбыта, өрөспүүбүлүкэтээҕи офтальмологическай клиническэй балыыһа филиала үлэлиир. Ону сэргэ «Кыайыы» паарката тутулан, Саха Сирин кытта «Доҕордоһуу бэлиэтэ» - сэргэ туруоруллубута.
Айсен Сергеевич Денис Пушилиҥҥа Донбасска сахалар үлэлэрин үрдүктүк сыаналаабытыгар махтанна. 2024 сылга бары туруоруллубут былааннар кэмигэр уонна хаачыстыбалаахтык толоруллуохтара диэн эрэннэрдэ.
-
0
-
0
-
0
-
0
-
0
-
0
