Издательский дом Редакция Подписка
Погода в Якутске: . 6 oC

Ахсынньы 18 күнүгэр «Саха сирин кыһыл көмүс ыаллара» кинигэ ахсыс тахсыытын биһирэмэ буолла. Быйылгы кинигэ Арассыыйаҕа Учуутал уонна уһуйааччы, Саха Өрөспүүбүлүкэтигэр Үлэ сылагар ананан таҕыста, өрөспүүбүлүкэ холобур буолар 103 бастыҥ ыала киллэрилиннэ.

Ахсынньы 18 күнүгэр «Саха сирин кыһыл көмүс ыаллара» кинигэ ахсыс тахсыытын биһирэмэ буолла. Быйылгы кинигэ Арассыыйаҕа Учуутал уонна уһуйааччы, Саха Өрөспүүбүлүкэтигэр Үлэ сылагар ананан таҕыста, өрөспүүбүлүкэ холобур буолар 103 бастыҥ ыала киллэрилиннэ.

Үөрүүлээх тэрээһиҥҥэ Бырабыыталыстыба Бэрэссэдээтэлин солбуйааччы Георгий Степанов, Ил Түмэн социальнай бэлиитикэҕэ, үлэҕэ уонна дьарыктаах буолууга сис кэмитиэтин бэрэссэдээтэлэ Алёна Атласова, РФ Юстицияҕа министиэристибэтин Саха Өрөспүүбүлүкэтигэр управлениетын начальнига Алексей Носов, үлэ уонна социальнай бэлиитикэ миниистирин солбуйааччы Елена Теплякова, «Арассыыйа ийэлэрэ» Бүтүн Арассыыйатааҕы уопсастыбаннай хамсааһын Саха эрэгийиэнигэр салаатын бэрэссээдээтэлэ Прасковья Борисова, «Саха сирин кыһыл көмүс ыаллара» кинигэҕэ киирбит дьиэ кэргэттэр уо.д.а. кыттыыны ыллылар. Бастакынан тыл эппит Саха Өрөспүүбүлүкэтин иһинэн ГТАС управлениетын салайааччы Тамара Кривошапкина бу күн кинилэргэ икки хос үөрүүлээҕин бэлиэтээтэ, ол курдук, ахсынньы 18 күнэ ГТАС үлэһиттэрин идэлээх бырааһынныга буоларын санатта.

3_---_1.jpeg

Бырабыыталыстыба Бэрэссэдээтэлин солбуйааччы Георгий Степанов ГТАС үлэһиттэрин идэлээх бырааһынныктарынан уонна кинигэҕэ киирбит бастыҥ ыаллары эҕэрдэлээтэ:

Кинигэ дьоруойдара үйэ аҥаарын устата иллээхтик-эйэлээхтик олорон, бар дьоннорун ытыктабылын ылбыт ытык ыаллар. Кинилэр өрөспүүбүлүкэ уонна дьиэ кэргэн бэлиитикэтэ сайдыытыгар бэйэлэрин кылааттарын киллэрбиттэрэ сиэрдэхтик сыаналанан, кинилэр ааттара-суоллара кыһыл көмүс буукубанан сурулунна, – диэтэ.

3_---_2.jpeg

Ил Түмэн социальнай бэлиитикэҕэ, үлэҕэ уонна дьарыктаах буолууга сис кэмитиэтин бэрэссэдээтэлэ Алёна Атласова бу кинигэ тахсыыта улахан суолталааҕын чорботон бэлиэтээтэ:

-- Арассыыйаҕа Дьиэ кэргэн сыла үүнээри турдаҕына, «кыһыл көмүс» ыаллары чиэстээһин улахан сабыытыйа. Бу кинигэҕэ киирбит ыаллар, өрөспүүбүлүкэ сайдыытыгар дьоһун кылааккытын киллэрдигит, оҕолоргутун уонна сиэннэргитин тапталынан угуттаан ииттигит. Арассыыйа Федерациятын Бэрэсидьиэнэ Владимир Путин быһа биэриигэ быйылгы сыл түмүктэрин таһаарарыгар уонна суруналыыстар ыйытыыларыгар хоруйдууругар, оҕо хас биирдии киһиэхэ саамай күндү бэлэх буолар диэн эттэ, эһиги ол өйдөбүлү суолдьут оҥостоҕут. Ыччакка уонна бүтүн өрөспүүбүлүкэҕэ үтүө холобур буолаҕыт. Баҕарабын эһиэхэ уһун, дьоллоох олоҕу, чэгиэн доруобуйаны, этэҥҥэ буолууну, оҕолоргут уонна сиэннэргит мэлдьи үөрдэ сырыттыннар, – диэтэ норуот дьокутаата.

Сис кэмитиэт Бочуотунай грамотатын «Саха сирин кыһыл көмүс ыаллара» номинациянан бэлиэтэммит Зинаида уонна Петр Гаврильевтарга (Горнай улууһа), Роза уонна Иван Егоровтарга (Нам улууһа) туттарда диэн Ил Түмэн пресс-сулууспата иһитиннэрэр.

Хаартыскаҕа Василий Кононов түһэриитэ

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением