Бу сыах көҕүлээһинэн, сүбэтинэн-аматынан, Мэҥэ Хаҥалас улууһун Төҥүлүтүгэр, Нам улууһун Аппаанытыгар, Кэбээйи улууһун үс нэһилиэгэр, Аммаҕа уонна Үөһээ Бүлүүгэ иис сыахтара тэриллэн, анал байыаннай дьайыыга сылдьар биир дойдулаахтарбытыгар таҥас-сап кэмпилиэктэрин тигэллэр.
«Илии сылааһа» үһүс төгүлүн «Эр хоһуун» таҥас кэмпилиэгин тигиигэ өрөспүүбүлүкэтээҕи икки түһүмэхтээх, түөрт күннээх күрэхтэһиини саҕалаата. Күрэхтэһиигэ барыта 17 улуустан 37 хамаанда кыттан, иистэрин саҕалаатылар.
Таатта улууһуттан Таатта нэһилиэгин «Харыстаана» (салайааччы Анна Никифорова), Уолба нэһилиэгин (салайааччы Мария Басова), Тыараһа нэһилиэгин (салайааччы Нина Турнина) иистэнньэҥнэрин хамаандалара кытталлар.
Бу улуустааҕы түһүмэххэ кыттыбыт кыайыылаах хамаанда, салгыы өрөспүүбүлүкэҕэ кыттыаҕа. Ону таһынан улуус үрдүнэн блиндаж чүмэчитин оҥоруу аахсыйата ыытыллар. Күн бүгүн итиинэн илгийэр аналлаах 450 чүмэчи оҥоһулунна.
«Норуот күүһэ – көмүөл күүһэ» диэн этиинэн салайтаран, таатталар Кыайыы туһугар ситимнээх көмөнү оҥороллор.
-
13
-
0
-
0
-
0
-
0
-
0
