Сийиэскэ дойду араас эрэгийиэннэриттэн түмсүбүт үлэ дьоно ааспыт сыл түмүгүн илдьиритистилэр, саҥа сыл соруктарын билистилэр. Сийиэс түмүктэнэр тэрээһинигэр бастыҥ үлэлээх ассоциациялар, пиэрмэрдэр уонна кэпэрэтииптэр АККОР, Госдума, Федерация Сэбиэтин уонна Тыа хаһаайыстыбатын министиэристибэтин наҕараадаларынан бэлиэтэннилэр.
Саха Өрөспүүбүлүкэтиттэн өр сыллаах үтүө суобастаах сыралаах үлэлэрин, бастыҥ көрдөрүүлэрин иһин, бааһынай хаһаайыстыбалар баһылыктара: Семен Макаров (Чурапчы), Валентин Соров (Дьокуускай), Пелагея Иванова (Амма) уонна «Өлүөхүмэ Агропродукт» кэпэрэтиип салайааччыта Федор Романов «Арассыыйа Бочуоттаах пиэрмэрэ» аатынан бэлиэтэннилэр.
АККОР Грамотатын бааһынай хаһаайыстыбалар баһылыктара: Михаил Габышев (Өлүөхүмэ), Николай Борисов (Уус Алдан), Павел Варламов (Таатта), уонна кэпэрэтииптэр салайааччылара Петр Дьяконов (Кэбээйи), Афанасий Марков (Таатта), АККОР салаатын бэрэссэдээтэлин солбуйааччы Иннокентий Николаев (Сунтаар) туттулар.
Госдума Махтал суругунан бааһынай хаһаайыстыбалар баһылыктара: Станислав Сивцев (Чурапчы), Аксиния Левина (Кэбээйи), Анна Никитина (Хаҥалас) бэлиэтэннилэр.
-
6
-
0
-
0
-
0
-
1
-
0
