Бу хаһаайыстыбалар табаларын ахсаанын сыллата бытааннык эрээри, эрэллээхтик элбэтэн иһэллэр. Ааспыт 2023 сыл устатыгар табаарынай хаһаайыстыбаларга1606 табаны атыылаабыттар. Холобур, «Омолой» община (Усуйаана) 634, «Өлөөн» муниципальнай-унитарнай тэрилтэ 331, «Приморскай» муницпальнай-унитарнай тэрилтэ (Булуҥ) 241 табаны табаларын ахсаанын элбэтэргэ уонна табаларын хаанын тупсарарга үлэлиир хаһаайыстыбаларга биэрбиттэр.
Бу күннэргэ Алдан улууһун “Хатыыстыыр” аахсыйаламыт уопсастыба Өлүөхүмэ улууһун Токкотуттан, “Токко” аҕа ууһун общинатыттан 30 табаны атыылаһан, таһаҕас таһар массыынанан тиэйэн аҕалла. Аналлаах сирдэригэр кэлээттэрин кытары, хаһаайыстыба бэтэринээрдэрэ табалары көрбүттэр-истибиттэр, хаан анаалыһын ылбыттар. Харантыыҥҥа туруорбуттар. Табалар ыраах айаҥҥа төрүт илистибэтэхтэр, туруктара үчүгэй диэн Бэтэринээрийэ департамена иһитиннэрэр.
-
1
-
1
-
0
-
1
-
0
-
0
