Издательский дом Редакция Подписка
Погода в Якутске: . 22 oC

«Сунтаар сонуннара» хаһыат саайтыгар  билгэһит Тускул быйылгы саас билгэтин туһунан Елена Потоцкая суруйуутуттан көрдөххө, муус устар бүтэһигэр улахан ардахтар кэлэллэрэ сабаҕаланар.  

«Сунтаар сонуннара» хаһыат саайтыгар  билгэһит Тускул быйылгы саас билгэтин туһунан Елена Потоцкая суруйуутуттан көрдөххө, муус устар бүтэһигэр улахан ардахтар кэлэллэрэ сабаҕаланар.  

— Ол курдук, муус устар бүтэһик дэкээдэтигэр хаһан да улаханнык ардаабатаҕын ардыаҕа. Ордук Өлүөхүмэ, Нерюнгри, Бүлүү, Мииринэй улуустарын хабан күүскэ ардыаҕа уонна хаардыаҕа. Хаар быйыл эмискэ барыаҕа. Сир тоҥ буолан, тыаттан үрэхтэр уонна үрүйэлэр өрүстэри эмискэ толоруохтара. Илин эҥэр улуустарга Уус Маайаны, Амманы, Өймөкөөнү кытта хабан, Охотскай муоранан улахан сылаас циклон иһэр. Ол хаары түргэнник ыытыаҕа. Онон, быйыл саас өтөрүнэн биллибэтэх улахан уу кэлээри турар. Ыам ыйын саҕаланыыта сылаас күннэр туруохтара. Сир дойду эрдэ көҕөрүө. Илин эҥэргэ күнүс 10-11 кыраадыс сылыйар. Киин улуустарга 7 — 9 кыраадыс сылыйыаҕа, Бүлүүгэ 9-8 кыраадыс сылаас. Соҕуруулуу-арҕаа эмиэ лаппа сылыйыаҕа: 9-11 кыраадыс. Өймөкөөҥҥө 6-5 кыраадыс, Дьааҥыга 7-8 кыраадыс, Халыма-Индигиир улуустарыгар 4-7 кыраадыс сылыйыаҕа. Онон бу өрөбүл күннэртэн сылаас күннэр саҕаланыахтара. Ол эрээри сөкүүндэҕэ 11-12 м. тыал түһүөҕэ. Онтон сэрэниэххэ наада.

Өссө төгүл сэрэтэбин — тыаттан үрэхтэр уулара уонна хаар эмискэ күүскэ ирэн, улахан уулаах дьыл кэллэ. Онон кытаатан, сүөһүлэргитин эрдэттэн күрэтэн, оккутун-маскытын үрдүк сиргэ таһааран, хас да хонуктаах аскытын эрдэттэн бэлэмнэнэн олоруҥ, — диэн норуот синоптига «Тэтим» араадьыйаҕа биэриитигэр сэрэттэ, -диэн Елена Потоцкая бэлиэтээбит.

«Сунтаар сонуннара» хаһыат саайтыттан

Хаартыска куйаар ситимиттэн

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением