Издательский дом Редакция Подписка
Погода в Якутске: . 17 oC

Нам улууһугар халаан уута 13 нэһилиэнньэлээх пууҥҥа киирдэ, икки бөһүөлэги олоччу ылла.

Нам улууһугар халаан уута 13 нэһилиэнньэлээх пууҥҥа киирдэ, икки бөһүөлэги олоччу ылла.

Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччы Дмитрий Садовников бу түүн 2 чааска бэйэтин телеграм ханаалыгар маннык суруйда:
-- Нам улууһугар балаһыанньа туһунан. Улуус баһылыга Юрий Слепцов иһитиннэрбитинэн, халаан уута 13 нэһилиэнньэлээх пууҥҥа киирдэ. II Хомустаах, Нам, Сыгынах, Кириэс Кытыл, Бүтэй Үрдэ, Бартыһаан, Маймаҕа, Модут, Фрунзе, Көбөкөн, Кыһыл Дэриэбинэ эмсэҕэлээтилэр. Оттон Хатырык уонна Граф Биэрэгэ олоччу ууга бардылар. Халаан буоларын туһунан сабаҕалааһын баара эрээри, итинник улахан буолуоҕун ким да кэтэспэтэҕэ. Оннооҕор урукку өттүгэр халаан ылбат нэһилиэнньэлээх пууннара ууга бардылар.
Билигин сүрүн сорук — бары сомоҕолоһон, уолуйбакка, нэһилиэнньэлээх пууннары өрүһүйүү, дьону куттала суох сиргэ таһаарыы. Эмсэҕэлээбиттэргэ барыларыгар көмө оҥоһуллуоҕа. Миэстэтигэр хас эмит уонунан быыһааччы, сүүһүнэн тиэхиньикэ үлэлии сылдьаллар. Дьокуускайтан уонна ыаллыы улуустартан эбии көмөнү тардыахпыт.

Атл.jpeg

Бу сарсыарда араадьыйанан Нам улууһун баһылыга Юрий Слепцов балаһыанньаны билиһиннэрдэ. Хатырыкка көһөрүү үлэтэ барар, 100-тэн тахса киһи оскуолаҕа олорор, түүн 12 чааска ыксаллах быһыыга-майгыга өрөспүүбүлүкэтээҕи ыстаап мунньаҕа буолбут, куораттан көмөҕө дьон түүннэри кэлэннэр үлэлии сылдьаллар, Ил Дархан Айсен Николаев төлөпүөнүнэн эрийэн кэпсэппит, балаһыанньаны билсэ олорор. Уу сарсыарда 6 чааска диэри уу эбиллэ турбут, 8 чаастан саҥа түһэн эрэр эбит.

дор.jpeg

Ситэтэ суох чахчынан, Хатырыкка 240 дьиэ, 240 тэлгэһэ, 2 трансформатор ууга барбыт. Нэһилиэнньэ эвакопууҥҥа көһөрүллүбүт. Уот суох. Ууга барар кутталлаах нэһилиэнньэлээх пууннар кэрискэлэригэр суох буолан, Хатырыкка  гидропост суох, инньэ гынан уу төһө таһымнааҕа биллибэт. Уу соһуччу киирбит.

Хаартыскалар Ил Түмэн саайтыттан уонна батсааптан ылылыннылар.

  • 2
  • 0
  • 0
  • 0
  • 2
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением