Издательский дом Редакция Подписка
Погода в Якутске: . 21 oC

Таатта улууһугар бэтэрээннэр хамсааһыннарын үлэтэ эрдэттэн оҥоһуллубут былаан быһыытынан, тэтимнээхтик тэриллэр. 

Таатта улууһугар бэтэрээннэр хамсааһыннарын үлэтэ эрдэттэн оҥоһуллубут былаан быһыытынан, тэтимнээхтик тэриллэр. 

Бэтэрээннэр Сэбиэттэрин бэрэссэдээтэлинэн улуустааҕы «Албан аат» кыраайы үөрэтэр түмэл дириэктэрэ Маргарита Попова салайар. Улуус уонна нэһилиэктэр бэтэрээннэрин Сэбиэтин үлэтэ биир ситимнээхтик ыытыллар.

Айылгы_-_Ньукуолун.jpeg

Эһиил, Улуу Кыайыы 80 сылын уонна улууспутугар ыытыллыахтаах «Манчаары оонньууларын» көрсө биэнсийэҕэ саҥа тахсыбыт дьонтон саҕалаан, ытык саастаахтарга тиийэ улахан суолталаах үлэҕэ туруннулар. Ол курдук, сэрии уонна тыыл бэтэрээннэригэр анаммыт кинигэ саҥардыллан, байытыллан тахсарыгар сурук үлэтэ, ону таһынан «Манчаары оонньууларыгар» анаан нэһилиэктэргэ анал эскиистэринэн олбохтору тигии саҕаланна.

Айылгы_-олбох.jpeg

Олбохтор эскиистэрин, өҥү-дьүһүнү аттаран Саха Өрөспүүбүлүкэтин маастара Арина Большакова оҥордо. Өрүс үрдүгэр олорор нэһилиэктэр халлаан күөх, алаас сирдээхтэргэ от күөх өҥнөрү хото туттан тигиэхтэрэ. Даайа Аммата Чөркөөххө, Тыараһаҕа сыһыарылынна. Маастардар уутуйан үөскээбит дойдуларыгар, Баайаҕаҕа, анал эскиис ананна.
Айылгы_сал_1.jpeg

Самаан сайыны көрсө өлгөм үүнүүнү ылар, сонун үүнээйини олордор улууспут бастыҥ оҕуруотчуттара, сибэкки үүннэрээччилэрэ Любовь Луковцева, Екатерина Лягушина, Тамара Слепцова сүбэлэрэ өрөспүүбүлүкэбит киин куоратын хаһыатыгар бэчээттэннэ. Онон кинилэр сүбэлэрин бүттүүн өрөспүүбүлүкэ олохтоохторо туһаныахтарын сөп. Үтүө санаа чэрчитинэн биир үөрүүлээх дьыаланы Алдан нэһилиэгин  «Айылгы» туосчуттар түмсүүлэрэ (салайааччы Мотрена Малышева) оҥордо – «Олоҥхо ыһыаҕын» быйылгы хаһаайыттарыгар аммаларга анаан салама бэлэх ууннулар. Салама тоҕус миэтэрэ усталаах, туоһунан киэргэтиилээх. Былырыын кинилэр Өймөкөөҥҥө бэлэх уунан тураллар. Дьэ бу курдук улуус бэтэрээннэрэ улуус ыытар үлэтигэр биир санаанан түмсэн, көхтөөхтүк кытталлар.

  • 3
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением