Издательский дом Редакция Подписка
Погода в Якутске: . 18 oC

Хаҥалас улууһун (баһылык Олег Иринеев) хаһаайыстыбалара сыл саҕаланыаҕыттан 1 242 туона үүтү туттардылар. Онон  үүтү тутан астыыр тэрилтэлэр үһүөн сорудахтарын толорорун ааһан, куоһаран иһэллэр.

Хаҥалас улууһун (баһылык Олег Иринеев) хаһаайыстыбалара сыл саҕаланыаҕыттан 1 242 туона үүтү туттардылар. Онон  үүтү тутан астыыр тэрилтэлэр үһүөн сорудахтарын толорорун ааһан, куоһаран иһэллэр.

Ол курдук, «Хаҥалас-Ас» уонна «Ситим» кэпэрэтииптэр ыйдааҕы былааннарын 151 %, «Бөртө-ас» кэпэрэтиип 106 % толордулар. «Бөртө-ас» кэпэрэтиип II Малдьаҕар нэһилиэгэр баар. Үүтү «Бөртө» сылгы собуота» хааччахтаммыт эппиэтинэстээх уопсастыбаттан (салайааччы Александр Павлов) уонна нэһилиэк чааһынай, бааһынай хаһаайыстыбаларыттан тутан астыыр.

Кыралыын-улаханныын барыта 1000 ынах сүөһүлээх «Бөртө» сылгы собуота» ХЭУо үгэс курдук, сайылыкка Өлүөнэ өрүс мууһа ааһыан иннинэ тахсар. Ол туһунан биригэдьиир Ульяна Семенова маннык кэпсиир:

– Өрүс эҥэрдээх буоламмыт, сүөһүлэрбитин сайылыкка эрдэ таһаарабыт. Харыйалаах диэн өрүс арыытыгар кыстаабыт калмык боруода ынахтарбытын өссө муус устар ый бүтүүтүгэр Сахсаа учаастагар таһаарбыппыт. Кыралыын-улаханныын 89 сүөһүнү Николай Артахинов көрүөҕэ. Онтон 300 субаны, Владимир Голоковка туттаран, Араҕас Атыыр сайылыгар көһөрбүппүт. Ыам ыйын 10 күнүттэн 400-чэкэ ыанар ынаҕы уонна 320 ньирэйи Уу Көхсүн, Куоһаҕас уонна Мондурах сайылыктарыгар таһаарбыппыт. Мэччирэҥ көбүөр диэри, бостууктар ынахтары далга хаайан туруоран аһаппыттара, онон үүппүт ыама төрүт түспэтэҕэ. Сайылыкка бэйэбит астыыр сыахтаахпыт, үүтү үс сайылыктан түмэн, тута астыыбыт.

Бертө_-_4.jpeg

Бу курдук, «Бөртө» хаһаайыстыба хороҕор муостааҕын биэс сайылыгынан таһаарда. Даҕатан эттэххэ, өрөспүүбүлүкэ үрдүнэн 348 сайылык, ол иһигэр 332 ыанньык, 16 субан сүөһү сайылыга баар. 273 сайылыкка электро-уот ситимэ баар, 45 сайылык дизелинэн, 6 сайылык күн уотунан үлэлиир батарыайанан, 6 сайылык моногенераторынан үлэлииллэр.

Бөртө-5.jpeg

Ыанньык сайылыктарыттан 255 сайылык толору хааччыллыылаах, ол эбэтэр ынах аппараатынан ыанар, үүт анал тэрилгэ сойутуллар. Дьэ бу сайылыктарга 41 223 ынах сүөһү (өрөспүүбүлүкэ сүөһүтүн 23,7 %-а), ол иһигэр 18 831 ыанньык (ыанар ынах 27,8 %-а) таһаарылынна.

Бөртө-1.jpeg

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

Тумарыгы бүрүммүт дьылҕа

Өстөөх үөһүгэр киирэн, тас дойду сирдэринэн сылдьан, киэҥ ыырдарынан тэлэһийэн «дойдум…
19.07.24 14:22