«Парламентская газета» суруйарынан, 2026 сыл атырдьах ыйын 1 күнүттэн кыраасданнар инбэлиит буолуу туһунан туоһу сурук электроннай көрүҥүн судаарыстыбаннай өҥө порталыттан (госуслуга) ылар кыахтаныахтара. Маны сэргэ, баҕалаах кыраасданнар бигэргитиллибит кумааҕы ыспыраапканы ылыахтарын эмиэ сөп. РФ Бырабыыталыстыбатын туһааннаах уурааҕа правовой иһитиннэрии официальнай интернет-порталыгар таҕыста.
Үлэ уонна социальнай көмүскэл миниистирэ Алексей Вовченко бэлиэтээбитинэн, биэдэмистибэ инбэлиит буолууну туоһулааһын уонна чөлгө түһэрии үбүн-харчытын ылыыга сыһыаннаах мэхэньииһимнэри тупсарыыга куруутун үлэлэһэр. Ол иһин, 2026 сыл кулун тутар 1 күнүттэн инбэлиит буолуу туһунан ыспыраапка электроннай көрүҥнэниэ уонна Госусулууга порталыгар баар буолуоҕа. Маныаха, кырасданыын баҕа өттүнэн, урукку кумааҕы ыспыраапкатыгар баар иһитиннэриилээх испииһэктэн быыпысканы (выписка из реестра) ылыан сөп.
Ону таһынан, туһааннаах уураах инбэлиит буолууну туоһулуур быраабылалары баар сокуону кытта дьүөрэлии тутан бэрээдэктиир, биэдэмистибэлэр икки ардыларынааҕы электроннай үлэлээһини чуолкайдыыр уонна кыраасданнарга Госусулууга порталын нөҥүө медико-социальнай чинчийиини ыытыы хаамыытын туһунан иһитиннэрэр.
Хаартыска: https://www.pnp.ru
-
0
-
0
-
0
-
0
-
0
-
0
