Күһүн хаһаайыстыбалар кыстыкка 411,8 тыһыынча туонна оттоох, 12,8 тыһыынча туонна сенажтаах уонна 25,6 тыһыынча сиилэстээх киирбиттэрэ. Кыстык бүтүөр диэри 80 хонук баар. Билиҥҥи туругунан 200 тыһыынча туонна от, 10,9 тыһыынча туонна сиилэс, 3,8 тыһыынча туонна сенаж баар, онон ас-үөл саппааһа куһаҕана суох.
Күн бүгүн 5 951 ынах төрөөн, ыата турар, ити былырыыҥҥы көрдөрүүттэн 25,5 %-ынан элбэх. Барыта 40 265 сылгы, ол эбэтэр сыспай сиэллээх 23 %-а, аһылыкка киллэрилиннэ. Былырыын баччаларга 59 484 сылгы аһатыллыбыта.
Хаартыскаҕа Анна Сергучева (ТХАҮөБМ) түһэриитигэр: «Хорообут» хааччахтаммыт эппиэтинэстээх тэрилтэ бастыҥ үлэһиттэрэ: ыанньыксыт Марина Васильева, ньирэй көрөөччү, осеменатор Михаил Егоров.
-
0
-
0
-
0
-
0
-
0
-
0
