Мунньахха уу суолунан таһаҕаһы таһыы тирээн турар боппуруостара, суудуналар төһө бэлэмнээхтэрэ, дуогабардары түһэрсии итиэннэ өрүстэр туруктара ырытылынна. Саха Өрөспүүбүлүкэтин Бырабыыталыстыбатын дьаһалынан, быйыл уу суолунан 1 148,4 тыһыынча туонна таһаҕас таһыллыахтаах. Мантан күн бүгүн 71 тыһ. туонна (былаан 6,2 %-а) тиэйиллибит, 47,8 тыһыынча туонна (4, 2 %-а) тиэрдиллибит.
Билигин Усть-Куттан Өлүөнэ уонна Бүлүү өрүстэринэн илдьиллиэхтээх ньиэп бородуукталара уонна метанол, Бүлүү өрүһүнэн Дьабарыкы Хайаттан уонна Сангаартан илдьиллиэхтээх чох тиэйиллэр. Навигация кэмигэр араас маркаалаах 722 суудуна туһаныллыаҕа, былырыын 746 этэ.
Навигация аһылынна: Өлүөнэ өрүскэ ыам ыйын 1 күнүттэн (2024 с. эрдэ), Аммаҕа уонна Алдаҥҥа ыам ыйын 19 күнүттэн, Бүлүүгэ ыам ыйын 22 күнүттэн (Сунтаар – Ньурба учаастагынан), ыам ыйын 26 күнүттэн бары учаастактарга, Халымаҕа ыам ыйын 23 күнүттэн (Ороек – Зырянка учаастагынан).
Яна Наумова нэһилиэнньэ олоҕун-дьаһаҕын хааччыйар таһаҕаһы суудуналарга тиэйии, аналлаах сиригэр тиэрдии кыраапыгын кыраҕытык тутуһарга сорудахтаата. Суһал бөлөх таһаҕаһы таһыыны мониторинныырын салгыы ыытар итиэннэ аныгыскы отчуотун бэс ыйын саҥатыгар оҥоруохтаах. Бу туһунан Кырасдааныскай оборуона уонна нэһилиэнньэ олоҕор-дьаһаҕар куттал суох буолуутун дьыалаларын министиэристибэтин пресс-сулууспата иһитиннэрэр.
Хаартыска: Кырасдааныскай оборуона уонна нэһилиэнньэ олоҕор-дьаһаҕар куттал суох буолуутун дьыалаларын министиэристибэтин саайтыттан.
-
0
-
0
-
0
-
0
-
0
-
0
