Кинилэр «Манчаары оонньууларыгар» бэлэмнэнии хайдах бара турарын билистилэр. Набережнайга, Ф.М. Охлопков аатынан сынньалаҥ пааркатыгар, Дьулуруйар Ньургун Боотур аатынан стадиоҥҥа, А.Е. Турнин аатынан Успуорт дыбарыаһыгар сырыттылар. Архитектурнай эйгэ ыраастаныыта, бэрээдэктээһинэ билиҥҥи кэмҥэ сытыытык турар. Онно үлэни ыытар, ураты көрүүлэри киллэрэр исписэлиистэр улуус баһылыгын Айаал Бурцевы, нэһилиэк баһылыгын Егор Павловы уо.д.а кытары көрүстүлэр.
Бреннэри оҥоруу хамыыһыйатын салайар Марианна Степанова «Киһи – улуус – өрөспүүбүлүкэ – Арассыыйа – Аан дойду» киэбин кэпсээтэ. Кини Оонньуулар киэргэтиилэрэ түҥ былыргыттан кэпсэнэн кэлбит ойууга-мандарга олоҕуран, олох тутулун, билиҥҥи таатталыы сурук-бичик ойууланан саҥалыы тыыннанан, өҥнөнөн суруллуута ис хоһооннонон киэргэтиллэригэр тохтоото.
Түмүккэ, нэһилиэкпит биир дизайн куодтанан тупсаҕайдык көстөрүн бэлиэтээтилэр, улахан үлэ бара турарын биһирээтилэр. Улуус урбаанньыттара дизайн куоду ылынан, сөптөөх угуйуктары туһаналларыгар баҕардылар.
Хаартыскалары ааптар хааччыйда.
-
2
-
0
-
0
-
0
-
0
-
0
