Күн бүгүҥҥү туругунан, өрөспүүбүлүкэ үрдүнэн 18,5 тыһыынча туонна үүт соҕотуопкаламыт, былырыын баччаларга 17,5 тыһыынча туонна үүт туттарыллыбыта.
– Ордук элбэх үүтү Сунтаар, Мэҥэ Хаҥалас уонна Чурапчы улустара тутаран иһэллэр. Былырыын үүт соҕотуопкатыгар 45 тэрилтэ үлэлээбит буоллаҕына, быйыл 47 хаһаайыстыба үлэлиэҕэ, ол курдук, Чурапчыга уонна Өлүөхүмэҕэ икки хаһаайыстыба эбилиннэ. 19 улууска барыта 2,1 млрд солк харчы ыытылынна, бу сыллааҕы субсидия 49,7 %-а буолар. Арай, Уус Маайа улууһа эрэ дуогабары түһэрсиитин хойутатан ыла илик, бу күннэргэ ылыаҕа, – диэн иһитиннэрдэ тыа хаһаайыстыбатын уонна ас-үөл бэлиитикэтин миниистирин солбуйааччы Николай Афанасьев Ил Түмэҥҥэ тэриллибит тыа хаһаайыстыбатын бородууксуйатын соҕотуопкалааһын, астааһын уонна батарыы боппуруостарыгар анаммыт төгүрүк остуолга.
-
1
-
0
-
0
-
0
-
0
-
0
