Оонньуулары көрсө элбэх үлэ ыытылла турар. Улуус хас биирдии олохтооҕо онтон туора турбат, барытыгар кыттар.
Таатта улууһа Чурапчы улууһун кытары быысаһар кыраныыссата тубуста, саҥа бырайыагынан оҥоһулунна. Манна бэҕэһээ Таатта улууһун орто оскуолаларын 1984 сыллаахха бүтэрбит дьон субуотунньуктаатылар. Түмсүүнү Анна Попова салайар.
Харчынан кыттыһан, 27 лиитэрэ кыраасканы уонна 100 устуука петуния сибэкки арассаадатын атыылаһан аҕаллылар. Саҥа аарканы, бэсиэккэни уонна муостаны кырааскалаатылар, аҕалбыт сибэккилэрин олортулар.
Субуотунньукка куораттан 10 киһи анаан-минээн кэллэ. Бу курдук бары төрөөбүт дойдубутугар бэриниилээх, түмсүүлээх буоллахпытына, тугу барытын кыайыахпыт. Манчаары Оонньуулара үрдүк таһымҥа ааһарыгар эрэллээхпит.
-
21
-
0
-
0
-
0
-
0
-
0
