Былырыын баччаларга 37 622 туонна үүт туттарыллыбыта. Быйыл бас билии көрүҥүттэн тутулуга суох, 62 777 туонна үүтү туттарыллыахтаах. Бу сыалга 4 308,94 мөлүйүөн солкуобай көрүллэн, 52 %-а, ол эбэтэр 2 311, мөлүйүөн солкуобай харчы улуустарга тиэрдиллибит.
Биллэрин курдук, быйылгыттан тыа хаһаайыстыбатын үлэтин тэрийиигэ боломуочуйа бэриллэн, бу салааҕа тыырыллар харчы өрөспүүбүлүкэттэн быһаччы тиэрдиллэр, онон, улуустар үбү ханнык хайысхаҕа туһаналларын бэйэлэрэ быһаарар буоллулар. Үгүс улуус дьаһалтата хаһаайыстыбаларын кытары сүбэлэһэн баран, ынах сүөһү салаатыгар көрүллэр харчыны үүтү туттарыыга ыытарга быһаарыммыттара, ол түмүгэр, быйыл үүт соҕотуопкатын көрдөрүүтэ биллэрдик тубуста.
Тыа хаһаайыстыбатын уонна ас-үөл соҕотуопкатын министиэристибэтэ иһитиннэрэринэн, ордук элбэх үүтү тутан, нэдиэлэтээҕи былааннарын Мэҥэ Хаҥалас (129,3 %), Чурапчы улууһа (122,4 %), Кэбээйи улууһа (113,6 %), Томпо улууһа (110,8 %), Горнай улууһа (109 %), Дьокуускай куорат (106,0 %), Сунтаар улууһа (105,7 %), Хаҥалас улууһа (105,4 %) куоһаран иһэллэр. Оттон нэдиэлэтээҕи сорудахтарын Уус Маайа улууһа (26,6 %), Ленскэй улууһа (65,4 %), Үөһээ Бүлүү улууһа (69,6 %), Таатта улууһа (79,4 %), Уус Алдан улууһа (89,8 %) толорон, кыраапыктарыттан хаалан иһэллэр.
-
1
-
0
-
0
-
0
-
0
-
0
