Олохсуйбут үгэс быһыытынан бу күн министиэристибэ дьиэтигэр араас сылларга министиэристибэҕэ, уопсайынан тыа хаһаайыстыбытын уонна астыыр-таҥастыыр бырамыысыланнас салаатыгар үлэлээбит-хамсаабыт дьоннор ыҥырылыннылар. Бэтэрээннэр актыыптарын сэбиэтэ эрдэттэн тэринэн, күһүҥҥү айылҕа көстүүлэринэн хаартыска быыстапкатын туруорда. Оҕуруот аһыттан «Үүнүү» быыстапка түмүгэ таһаарылынна.
Судаарыстыбаннай наҕараададары туттарарыгар миниистир Артем Александров өрөспүүбүлүкэҕэ тыа хаһаайыстыбата бигэтик сайдарын бэлиэтээтэ. Быйылгы үүнүү, хомуур түмүктэрин билиһиннэрдэ.
– Эһиги бары олоххутун тыа хаһаайыстыбатын сайыннарыыга анаабыккыт. Эһиги уопуккут, билиигит-көрүүгүт уонна идэҕэ бэриниигит ситиһии тирэҕэ буолбута. Биһиги эһиги сыралаах, үтүө суобастаах үлэҕитин сыаналыыбыт итиэннэ эһиги үлэҕитин салгыы сайыннарабыт, саҥа технологиялары киллэрэргэ, үлэ дьонугар өйөбүлү оҥорорго үлэлиибит, – диэтэ миниистр.
Бу туһунан Тыа хаһаайыстыбатын уонна ас-үөл бэлиитикэтин министиэристибэтин пресс-сулууспата иһитиннэрэр.
Хаартыска: Тыа хаһаайыстыбатын уонна ас-үөл бэлиитикэтин министиэристибэтин саайта.
-
1
-
0
-
0
-
0
-
0
-
0
