Сүбэ мунньах үөрэҕирии каадырын экосистиэмэтигэр ананан, салайааччылартан, педагогтартан саҕалаан, төрөппүттэргэ, устудьуоннарга, бэтэрээннэргэ тиийэ иитэр-үөрэтэр үлэ сайдыытын инники кэскилигэр интэриэстээх дьоннору түмтэ. Иитэр-үөрэтэр эйгэ каадырдарын бэлэмнээһин, оскуолаларга идэҕэ туһаайар үлэни тэрийии, учууталлар идэлэрин үрдэтии, үлэ уопутун тарҕатыы, оскуолаларга учуутал тиийбэт кыһалҕатын хайдах быһаарар тула киэҥ кэпсэтии ыытылынна.
Тохсунньу 21 күнүгэр Үөрэх уонна билим министиэристибэтэ ааспыт 2025 сыллаах үлэ түмүктэрин отчуоттаабыта, үүммүт 2026 сылга туруоруллар соруктар тустарынан иһитиннэрбитэ.
Бүгүн Үлэ кыбаарталыгар санааны атастаһыы, кыһалҕалаах боппуруостары дьүүллэһии сүрүн былаһааккалара тэриллиэхтэрэ. Ол иһигэр, Бүтүн Арассыыйатааҕы уонна өрөспүүбүлүкэтээҕи куонкурустар кыайыылаахтара маастар-кылаастарга араас улуустартан мустубут учууталларга, эбии үөрэхтээһин педагогтарыгар күннээҕи үлэҕэ туттуллар инновационнай ньымалар о.д.а. тустарынан кэпсиэхтэрэ.
Өрөспүүбүлүкэ иитэр-үөрэтэр эйгэтин үлэһиттэрин дьоһун түһүлгэлэригэр норуот дьокутаата, Ил Түмэн үөрэххэ уонна билимҥэ сис кэмитиэтин бэрэссэдээтэлэ Антонина Григорьева көхтөөх кыттыыны ылар.
Хаартыска: Үөрэх уонна билим министиэристибэтин саайтыттан.
-
2
-
0
-
0
-
0
-
0
-
0
