Бастакы боппуруоһунан «Сир баайын туһунан» Саха Өрөспүүбүлүкэтин сокуонугар уларытыылары киллэрэр туһунан» 340-7 №-дээх сокуон барылын дьокутааттар бастакы ааҕыыга көрөн, бигэргэттилэр.
Сис кэмитиэт бэрэссэдээтэлэ Андрей Находкин быһаарбытынан, бу сокуон барыла федеральнай сокуоҥҥа киирбит саҥа уларыйыыларга сөп түбэһиннэрэн оҥоһуллар. Биэс сүрүн блогунан уларытыы киирбит: судаарыстыба хонтуруолун чопчулааһыҥҥа, бороссодууралары сыыппараҕа киллэриигэ уонна судургутутууга, саады үүннэрээччилэр уонна оҕуруоччутар быраабылаларын биир киэптээх оҥорууга, геологическай иһитиннэриини кииннээһиҥҥэ итиэннэ эргиэн бороссодууратын систиэмэлээһиҥҥэ.
Норуот дьокутааттара Елена Голомарева уонна Игорь Григорьев кэккэ ыйытыылары биэрдилэр. Елена Голомарева сир баайын хостооччуларга туһаныыга бэриллэр хостонор баайдаах сирдэр учаастактарын кэрискэлэрэ төһө оҥоһулларын уонна онно судаарыстыба хонтуруолун Бэрээдэгин туһунан чопчулаан ыйытта.
Иккис боппуруоһунан «Саха Өрөспүүбүлүкэтин Судаарыстыбаннай Мунньаҕын (Ил Түмэн) 2024 с. сэтинньи 27 күнүгэр таһаарбыт 242-VII №-дээх «Булт уонна булт ресурсаларын харааннааһын туһунан» Саха Өрөспүүбүлүкэтин сокуонун 13.1 ыстатыйатыгар уларытыылары киллэрэр туһунан» уурааҕар уларытыы киллэрэр туһунан» Ил Түмэн уурааҕын барыла көрүлүннэ. Бу уураах барылынан сокуон барылыгар киллэриллибит уларытыы болдьоҕун уһатарга этиллэр диэн Ил Түмэн пресс-сулууспата суруйар.
Хаартыска: Василий Кононов.
-
0
-
0
-
0
-
0
-
0
-
1
