Бу тэрээһини ыытан, Анал байыаннай дьайыы сиригэр сылдьар биир дойдулаахтарбытыгар эрэллээх өйөбүл буоларбытын өссө төгүл көрдөрдүбүт. Олохтоохтор дроннары утары туттуллар бултуур сааларын туттаран, уолаттарбыт бойобуой кыахтарын бөҕөргөтүүгэ улахан кылааттарын киллэрдилэр.
Уон биэс баҕалаах дьон Мэҥэ Хаҥалас оройуонун дьаһалтатыгар, сааларын туттардылар. Онно кинилэргэ туттарыыга наадалаах докумуоннары барытын миэстэтигэр оҥорон биэрдилэр. Бу аахсыйаҕа көхтөөхтүк кыттыбыт, дойдубут инники кэскилин туһугар бэйэлэрин кылааттарын киллэрбит бары дьоммутугар ис сүрэхпититтэн махтанабыт! Эһиги көмөҕүт биһиги уолаттарбытыгар күүс-көмө буолуоҕа, кинилэр дьулуурдарын өссө күүһүрдэрүө диэн эрэнэбит.
Мэҥэ Хаҥалас улууһун дьаһалтатын пресс-сулууспата.
-
0
-
0
-
0
-
0
-
0
-
0
