Саха Өрөспүүбүлүкэтигэр Төрүт сокуоҥҥа олоҕурбут сокуону оҥоруу үлэтин туругун уонна сайдыытын туһунан сыллааҕы отчуот барылын туһунан бэрэссэдээтэл Петр Гоголев дакылаатын Сүбэ чилиэннэрэ биһирээтилэр итиэннэ пленарнай мунньах көрүүтүгэр киллэрэргэ эттилэр.
Иккис боппуруоска иһитиннэриини бэрэссэдээтэли солбуйааччы Алексей Ефимов оҥордо. Норуот дьокутаата Николай Кульбертинов 2026 с. кулун тутар 17 күнүгэр түһэрбит суругар Саха Өрөспүүбүлүкэтин Төрүт сокуонун 38-с ыстатыйатын 9-с пуунугар «төрүт сир-уот» итиэннэ «...төрүт сири-уоту уонна үгэс буолбут олоҕу көмүскээһин» («исконная среда обитания», «защита исконной среды обитания и традиционного образа жизни») диэн тыллар өйдөбүллэрэ Төрүт сокуон төрүт олохтоох аҕыйах ахсааннаах хотугу норуоттар көмүскэллэрин уонна бырааптарын хааччыйыыны судаарыстыба мэктиэлээһинин туһунан нуормаларын кытары сибээтэ ситэ быһаарыллыбатаҕын ыйан туран, ону быһааран биэрэргэ көрдөспүт. Төрүт сокуон Сүбэтэ норуот дьокутаатын суругун көрүүгэ ылар туһунан быһаарыыны таһаарбыт. Бу туһунан Төрүт сокуон Сүбэтин пресс-киинэ суруйар.
Хаартыска: Төрүт сокуон Сүбэтин саайта.
-
1
-
0
-
0
-
0
-
0
-
0
