Сүлүөтү улуус дьаһалтата, Тумат национальнай наһилиэгэ, тыа хаһаайыстыбатын уонна култуура управлениелара, «Таба-Яна» кэпэрэтиип тэрийэн ыыттылар. Бастыҥ табаһыттарга сыаналаах бэлэхтэри, күрэхтэһии кыайыылаахтарыгр бириистэри «Янзолото», «АДК» уонна «Полиметалл» хампааньалар туруордулар.
Үс күн устатыгар элбэх дьаһал тэрилиннэ: табаһыттар мунньахтара ыытылынна, «Туундара уһуктуута» театрализованнай дьүһүйүү, күрэс төрүт көрүҥнэригэр, Һээдьэҕэ, ырыаҕа, хаар оҥоһуктарга күрэхтэһиилэр, кэнсиэртэр буоллулар. Саха эстрадатын артыыстара Александр Дьячковскай-Саарын, Ариан Свинобоев кыттыылаах сынньалаҥ киэһэтэ тэрилиннэ.
Саамай көхтөөх күрэхтэһии таба сүүрдүүтэ буолла. «Таба-Яна» кэпэрэтиип 11 № -дээх ыстаадатын табаһыта, Тумат олохтооҕо Василий Колесов бастакы миэстэни ылан, сүрүн бирииһи – 1 мөлүйүөн солкуобайы тутта! Бу туһунан Усуйаана улууһун дьаһалтатын пресс-сулууспата суруйар.
Хаартыска: тустаах саайтан.
-
0
-
0
-
0
-
0
-
0
-
0
