Ол туһунан биригэдьиир Ульяна Семенова маннык кэпсиир:
-- Кыстыгы этэҥҥэ таҕыстыбыт, аспыт-үөлбүт тиийдэ. Ынахтарбыт сүрүннээн төрөөн бүтэн эрэллэр. Өрүс эҥэрдээх буоламмыт, сайылыкка эрдэ тахсабыт. Ол курдук, муус устар ый 28 күнүгэр арыыттан 350 субаны Араҕас Атыыр сайылыгар көһөрбүппүт.
Ыам ыйын 5 күнүгэр Уу Көхсүгэр 130, Куоһаҕаска 134 ынаҕы, ыам ыйын 6 күнүгэр Мондурахха 136 ынаҕы, холбоон 400 ынаҕы таһаарбыппыт, хас сайылык ахсын үстүү ыанньыксыт, иккилии бостуук уонна биирдии учуотчут итиэннэ үс сайылыгынан иккис осеменатор үлэлииллэр.
Соторутааҕыта 310 ньирэйи, үс сайылыгынан таһаардыбыт. Олору көрүүгэ-истиигэ алта киһи үлэлиир, биир ньирэй көрөөччү 50 ньирэйи тутар. Үүт сыаҕар икки киһи үлэлиир, үс сайылык үүтүн күннэтэ астыыллар.
Онон кыралыын-улаханныын барыта 1060 сүөһүнү сайылыкка таһаарылынна, көс бүттэ. Мэччирэҥ көбүөр диэри бостууктар ынахтары далга хаайан аһаталар. сиир отторо эрдэ таһаарыллыбыта. Түүнүн хаайан хоннорон баран, күнүс сыһыыга мэччитэллэр.
Хаартыскаҕа: Светлана Васильева түһэриитигэр «Бөртө» сайылыктарыгар.
-
1
-
0
-
0
-
0
-
0
-
0
