Настаабынньыктар социальнай сулууспалар, педагогтар уонна быраабы араҥаччылыыр уорганар тиһиктээх үлэлэригэр көмөлөһөр сыалтан саастарын ситэ илик оҕолор дьыалаларын хамыыһыйатын уурааҕынан ананаллар.
Ол курдук, Кэбээйи улууһугар түөрт оҕоҕо сыһыарыллыбыт настаабынньыктар, иитиллээччилэрин успуортка дьарыктаабыттара үтүө түмүктэрдэннэ: оҕолор «үчүгэй» сыанаҕа үөрэнэр буоллулар, сайын ыһыахха үтүө көмөһүт быһыыытынан үлэлээтилэр.
Горнай улууһугар педагог-психолог Дария Дьяконова 11 оҕону кытары дьарыктанар, сайын кинилэр тэпилииссэҕэ үлэлээтилэр уонна футбол лааҕырыгар сырыттылар. Бу курдук хас да улууска настаабынньыктар үлэлэрин таһаарыылаахтык саҕалаатылар. Кэлэр өттүгэр хамсааһыны өссө кэҥэтэн, улууһу барытын хабар сорук турар диэн Үлэ уонна социальнай сайдыы министиэристибэтэ иһитиннэрэр.
Хаартыска: Үлэ уонна социальнай сайдыы министиэристибэтин саайтыттан.
-
0
-
0
-
0
-
0
-
0
-
0
