Күһүҥҥү бу кэрэ күннэргэ биһиги Сахабыт Сиригэр Ийэ уонна Арассыыйаҕа Аҕа күннэрин бэлиэтиибит. Бу бырааһынньыктар бэйэ-бэйэлэрин кытта ыкса ситимнээхтэр.
Дьиэ кэргэн — бу биһиги култуурабыт, үгэстэрбит уонна духуобунай күүспүт төрүтэ, саамай улахан баайбыт. Саха Сиригэр ийэ уобараһа мэлдьи ытыктабыллаах, кини таптала биһигини тоһуттар тымныыларга сылааһынан угуттуур, күүс-уох биэрэр, айарга-тутарга кынаттыыр, араас моһолтон харыстыыр. Күндү ийэлэр, эһиги күн ахсын сыралаах үлэҕит, дууһаҕыт баайынан, муударайгытын, тулуургутунан уонна дьоҥҥо-сэргэҕэ тапталгытынан биһиги киэн туттабыт, эһиэхэ сүгүрүйэбит.
Аҕа оруола эмиэ сүҥкэн суолталаах — дьиэ кэргэн баһылыга, көмүскээччи, такайааччы уонна эрэллээх тирэх. Аҕа буолуу — бу улахан чиэс уонна үрдүк эппиэтинэс. Аҕа тус холобура, кини үлэһитэ, тылыгар турара уонна чугас дьонугар кыһамньыта оҕолоу тулуурдаах, чиэһинэйбуоларга уонна төрөөбүт дойдуларын таптыырга үөрэтэр.
Бүгүн дьиэ кэргэни, ийэни, аҕаны уонна оҕо сааһы өйөөһүн биһиги дойдубут уонна өрөспүүбүлүкэбит инники тумус туттар сүрүн судаарыстыбаннай сыалынан-соругунан буолар. Саха Сирин парламена хас биирдии дьиэ кэргэн харысхаллаах, сарсыҥҥы күҥҥэ эрэллээх буоларын уонна оҕону иитиигэ бары кыаҕы туһанарын туһугар сокуон-быраап баасатын кэлимник сайыннарар. Биһиги элбэх оҕолоох дьиэ кэргэттэрбитинэн, үлэ династияларынан киэн туттабыт, көлүөнэлэр ытыктабыллаах сыһыаннаһыыларын уонна утумнаһыыларын үрдүктүк тутабыт.
Күндү бэтэрээннэргэ уонна аҕа көлүөнэ төрөппүттэргэ олохпутун бэлэхтээбит, муударай уопуттарын тиэрдибит дьоммутугар сүгүрүйэбит!
Ис сүрэхпиттэн хас биирдии дьиэ кэргэҥҥэ чэгиэн доруобуйаны, уостубат эрчими, дьолу-соргуну, уйгуну-быйаны баҕарабын!
Алена Атласова, СӨ Ил Түмэнин социальнай бэлиитикэҕэ, үлэҕэ уонна дьарыктаах буолууга сис кэмитиэтин бэрэссэдээтэлэ.
-
0
-
0
-
0
-
0
-
0
-
0
