Федот Ядреев 2015 с. «Саҥа саҕалыыр пиэрмэр» гранынан сүөһү уонна тиэхиньикэ атыыласпыта. Күн бүгүн 70 сүөһүлээх, ол иһигэр 70 ыанар ынахтаах. Быйыл сайын 300 туоннаны оттоото. Сопхуос саҕанааҕы эргэ хотону илдьэ сылдьыбыта, сыллата өрөмүөннүүрэ. Оттон быйыл 100 сүөһү киирэр хотонун туттан үлэҕэ киллэрдэ.
Ил Түмэн тыа сиригэр уонна аграрнай бэлиитикэҕэ сис кэмитиэтин бэрэссэдээтэлэ Александр Атласов саҥа хотон арыллар үөрүүлээх күнүгэр сырытта.
– Иллэрээ сыл биһиги тыа хаһаайыстыбатын кэккэ боломуочуйаларын улуустарга биэрэр туһунан сокуону ылыммыппыт, ол чэрчитинэн элбэх сиргэ дьоҕус үлэ эбийиэктэрин тутуу хамсааһына саҕаланна. Нам улууһугар былырыын 3 эбийиэк, быйыл 6 эбийиэк, ол иһигэр үс хотон тутулунна, – диэтэ норуот дьокутаата.
Хаартыска: Тыа хаһаайыстыбатын уонна ас-үөл бэлиитикэтин министиэристибэтин МАХ ханаала.
-
2
-
0
-
0
-
0
-
0
-
0
