Көрүллэр боппуруостар боччумнаахтарынан, ол иһигэр туох ханнык иннинэ быйылгы сыллаах бүдьүөт туолуута көрүллэрин итиэннэ кэлэр сыллардааҕы бүддьүөт барыла бигэргэнэрин быһыытынан, пленарнай мунньахха Ил Дархан Айсен Николаев, Бырабыыталыыстыба Бэрэссэдээтэлэ Кирилл Бычков, федеральнай иниспиэктэр Евгений Корнеев, Үрдүкү Суут Бэрэссэдээтэлэ Любовь Летучих, өрөспүүбүлүкэ борокуруора Сергей Дябкин, миниистирдэр, биэдэмистибэлэр салайааччылара уо.д.а. кыттыыны ыллылар.
Бастатан туран, үгэс курдук, каадыр боппуруоһа көрүлүннэ. Ил Түмэн бэрэссэдээтэлэ Алексей Еремеев норуот дьокутааттарын аатыттан быйыл күһүн, балаҕан ыйын 118-20 күннэригэр, ыытыллыбыт кэлим быыбарга быыбардааччы 49,17 %-ын итэҕэлин ылан, 15 №-дээх Үөһээ Бүлүү – Горнай быыбардыыр уокуруктан Ил Түмэн дьокутаатынан талыллыбыт Николай Долгуновка норуот дьокутаатын дастабырыанньатын туттарда, парламентаризм сайдыытыгар ситиһиилээх үлэни баҕарда.
-
0
-
0
-
0
-
0
-
0
-
0
