Онон, мантан ыла сүөһүтүн-сылгытын Дьокуускай устун ыытан мэччитэр хаһаайыстыба ыстырааптанар буолуоҕа. Биир сүөһү ыстырааба 3000 солк. тэҥнэһэр. Инньэ гынан бу күһүҥҥүттэн сүөһү-сылгы мэччирэҥҥэ аналлаах эрэ сирдэргэ сылдьара көҥүллэнэрэ быһаарылынна.
Бу иннинэ хаһаайына биллибэт үөр сылгыны куорат таһыгар үүрэн кэбиһэр уопут баара. Билигин Дьокуускай куоракка көрүүтэ-истиитэ суох сылдьар сүөһүнү-сылгыны тутар анал былаһаакка тутуллара былааннанар. Тулагы уонна Хатас агрооскуолаларын иһинэн көрүүтэ-истиитэ суох сылдьар сылгыларга “ыстыраап” былаһаакка тэрийиэххэ диэн этиини куорат мээрэ Сардаана Авксентьева киллэрбитэ. Билигин Тыа хаһаайыстыбатын управлениета уонна Үөрэх управлениета сылгыны тутар, үүрэн аҕалан хаайар, онтон хаһаайынын быһаарар анал пууну тэрийиигэ ылсан үлэлээн эрэллэр.
Дьокуускай тыатын хаһаайыстыбатын управлениетын дааннайынан, киин куорат сиригэр 3169 сылгы иитиллэр. 2020 сылга 14 хаһаайыстыба үөр сылгы итиитин сайыннарыыга эбии өйөбүл ылбыт.
-
0
-
0
-
0
-
0
-
0
-
0
