Күнүскү лааҕырдар
Дьокуускайга хамсык балаһыанньата уустугурбутунан сиэттэрэн, оҕолор күнүскү лааҕырдара бэс ыйын устата тэйиччи көрүҥүнэн тэриллэллэр. Үөрэх салалтата бэс ыйын 5 күнүттэн эбии үөрэхтээһин бырагыраамалара саҕаланалларын иһитиннэрдэ. Сайыҥҥы бырагыраамалары кытта Дьокуускай куорат үөрэҕин салалтатын бигэргэммит саайтыттан “Сайыҥҥы сынньалаҥ” (Летний отдых) диэн үллэһиктэн булуоххутун сөп.
Оҕо сайыҥҥы сынньалаҥын иккис уонна үһүс түһүмэхтэрэ хамсык балаһыанньатын учуоттаан тэриллэллэрэ былааннанар.
Стационарнай лааҕырдар
Ростуризм кэшбэктээх (путевка 50 % төлөнөр) лааҕырдар бырагыраамаларын олоххо киллэрдэ. Саха сиригэр бу бырагыраамаҕа 13 оҕо лааҕыра кыттыста, ол иһигэр “Спутник” (2-с №-дээх оскуола), “Каландарашвили” (31-с №-дээх оскуола), “Бинго” (36-с №-дээх оскуола), “Радуга” (СПЛ), “Родничок” (21-с №-дээх оскуола) хапсаллар.
Билигин кэшбэктээх лааҕардар толору испииһэктэрэ оҥоһулла сылдьар. Ону мирпутешествий.рф саайт “Оҕо лааҕырдара” (Детские лагеря) диэн үллэһиккэ киирэн көрүөххүтүн сөп. Манна стационарнай лааҕырдар эрэ киирэллэр. Бырагыраамаҕа балааккалаах, куорат иһинээҕи уонна күнүскү лааҕырдар хабыллыбатахтар.
Дьокуускайга оҕо лааҕырдара 75 % толорулаах “сабыылаах” эрэсииминэн үлэлииллэрэ былааннанар. Баларга уопсайа 1020 оҕо сылдьара сабаҕаланар. Онон үлэһиттэр уонна оҕолор лааҕырдарга биир күн кэлэн киирэн баран, сменаны быһа биир сиргэ олоруохтаахтар.
-
0
-
0
-
0
-
0
-
0
-
0
