Бу күҥҥэ ама ким үөрбэт буолуоҕай?
Издательский дом Редакция Подписка
Погода в Якутске: . 19 oC

"Бу күҥҥэ, бу кэмҥэ ама ким күлбэт да, үөрбэт да буолуоҕай?..” Олус уот харахха этиллибит тыллар!

"Бу күҥҥэ, бу кэмҥэ ама ким күлбэт да, үөрбэт да буолуоҕай?..” Олус уот харахха этиллибит тыллар!

Ыам ыйа, Иэйэхсит ыйа -- саха норуотун саамай тапталлаах ыйдарыттан биирдэстэрэ. Ол да иһин буолуо, өбүгэбит үөрэр-көтөр күннэрин үйэтитии чэрчитинэн – Ньургуһун күнэ, Ырыа күнэ, Сайылык күнэ  диэн анал күннэр бигэргэтиллэн, сүргэ көтөҕүллэр көрсүһүүлэр, тэрээһиннэр буолуталаатылар.

 Бүгүн айылҕабыт барахсан биһиги диэки сымнаҕас, сылаас, сырдык тыына илгийдэ, күммүт уота чаҕылыччы тыкта. Дьэ, маннык түгэни этэн эрдэхтэрэ -- айылҕа мындыр, муударай, улуу диэн. Уонна туох диэн сыаналыаҥый, бүгүҥҥү күн туругун – айылҕабыт барахсан хаарчах хаҕыс тыынын, алтыһыыттан маппыттары, көрсүһүүнү күүппүттэри маанылаабытын!

Бүгүн-бэҕэһээ Хатас нэһилиэгин дьиэ кэргэттэрэ, аймах билэ дьоно күөххэ үктэммиччэ, көрсүһүүгэ-алтыһыыга көҥүлү ылбычча, кыаллар өттүлэрэ айылҕаҕа таҕыстылар, араас биричиинэнэн ырааппатахтар тэлгэһэлэригэр остуол тартылар.

Дьэ, манна буолла -- оҕо-уруу тутуһан-хабыһан көрүүтэ, сүүрүүтэ-көтүүтэ, өйү тургутан «маамыктаһыы»… Манна буолла сайылыкка көһүү араас мүччүргэннээх түгэннэрин кэпсээһин, ыһыы-олордуу үлэтин түбүктэрин сэһэргээһин…

5b996864 ca0b 4e41 88b3 0605053fea0d

  • «Кулууп бэтэрээннэрэ» түмсүү Ньургуһун ыһыаҕар
  • 1 91

Сайылыкка көһүү наһаа да күүтүүлээх-кэтэһиилээх, үөрүүлээх, сүргэ көтөҕүллүүлээх буолара. Бэл, сүөһүлэр истигэн бөҕө, сылбырҕа бөҕө буоларга дылы буолаллара, кинилэр эмиэ көҥүлгэ, күөххэ, аска-үөлгэ тиийэбит диэн билэллэр буоллаҕа. Аҕыс ыйы быһа баайыллан туран баран, көҥүл барары, минньигэстэн минньигэс күп-күөх, көбүөр ньаассын от амтаннааҕын сиэри күүтэллэрин, арааһа, саҥараллара буоллар, этиэхтэр этэ. 

Бүгүн биһиги хатастар, эмиэ Сахабыт Сирин бар дьонун курдук, айылҕалыын алтыстыбыт, сибиэһэй салгыны түөс толору тыынныбыт, күөх көбүөргэ хаамтыбыт.  Хатаска култуура сайдыытыгар үгүс үтүө кылааттаах «Кулууп бэтэрээннэрэ» түмсүү Ньургуһун ыһыаҕар ыалдьыттаатылар, Хатас нэһилиэгин Бочуоттаах гражданина, нэһилиэк тумус туттар ыала Иван Михайлович, Аксиния Егоровна Жирковтар эбэ мууһун көрдүлэр, сиргэ үктэннилэр, хонууга хаамтылар.

d1ff5aa1 b717 4564 9123 56951c10d72b

  • Иван Михайлович, Аксиния Егоровна Жирковтар эбэ мууһун көрдүлэр

Оттон Ольга Ивановна Баишева, Анна Ивановна Саввинова бииргэ төрөөбүттэрин (уон бииргэ төрөөбүт Пермяковтар) көлүөнэ ситимэ ыччаттарын кытта үрүҥ илгэни үрүлүтэ сүүрдэр үлэлэрэ аан бастаан саҕаламмыт куруутун ахтар-саныыр Ой Бэстэригэр тиийэн, балтыларын сайылыгар дуоһуйа сынньаннылар.

2 47

a76d125b f773 4786 aff1 f356378fbee3

200c2403 ad1e 482a b396 2ea8dfa93ac4

99249614 3609 4af7 b704 cf947e6e38c6

Манна өйдөрүн да үлэлэттилэр, тутуһан-хабыһан көрдүлэр. Эбэтэр эмиэ Герой ийэ Варвара Семеновна, Василий Николаевич Корякиннар оҕолоро, удьуор утумун тута сылдьар ыччаттарыныын  мустан, алааһы толордулар.

5 15

3 46

Бары төгүрүк алаадьыны, кус миинин кытта бу күҥҥэ диэн ууруллубут сылгы, ынах хаана, эмис сыалаах эт, харта, о.д.а атын мааны аһы кытта тоҥ балыкка тиийэ өрөһөлүү ууруллубут сандалы тула мустан олорон, уонунан ырыа ылланна, хоһоон даҕаны ааҕылынна.

Аны да маннык айар-тутар санаа аартыга арыллар үтүөкэн күн буола туруохтун! Бииргэ буолартан бигэ буолуоҕуҥ, кытта буолартан кыахтаныаҕыҥ.

Н.Руфова Хатас.22.05.22

  • 5
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Лента новостей

Долган ырыаларыгар уһуйан

"Муусука -- барыбытыгар" диэн бырайыак үгүс элбэх үтүө дьону, саҥа ааттары таһаарда,…
03.07.22 16:29
Лента новостей

Сир аһын хаһан хомуйабыт?

Бэйэ туһатыгар (сииргэ, атыылыырга, бэлэхтииргэ, о.д.а.) сир аһын хомуйар бигэргэммит…
03.07.22 14:13