Издательский дом Редакция Подписка
Погода в Якутске: . 17 oC

Атырдьах ыйыгар тэллэйи хомуйуу үгэнэ. Тэллэй  күннээҕи аhылыкка, кыhыҥҥы хаhааска туттуллар астартан биир бастыҥнара, амтаннаахтара.

Атырдьах ыйыгар тэллэйи хомуйуу үгэнэ. Тэллэй  күннээҕи аhылыкка, кыhыҥҥы хаhааска туттуллар астартан биир бастыҥнара, амтаннаахтара.

Ол эрээри сыл аайы дьон тэллэйтэн сүhүрэр түбэлтэлэрэ тахса тураллар. Маныаха бэйэни харыстанар миэрэлэри Роспотребнадзор билиhиннэрэр, итиэннэ, бастатан туран, оҕолорго 14 саастарыгар диэри тэллэйтэн астаммыт бүлүүдэлэри бэриллибэтин туhунан сэрэтэр. Ол оҕо организмыгар тэллэйи буhарар ферменнэр наадалаах ахсааннара суоҕунан быhаарыллар.

Тэллэйи куттала суох аска туттарга Роспотребнадзор маннык сүбэлиир:

- үчүгэйдик билэр тэллэйгитин хомуйуҥ;

- тэллэйи айан суолун кытыытыттан ылыллыбат;

- ѳр кэмҥэ сибиэhэй буоларын туhугар тэллэйи ѳрүллүбүт корзинаҕа хомуйар ордук, бакыакка эбэтэр биэдэрэҕэ буолбакка;

- тэллэйи атаҕын алдьаппакка эрэ бүтүннүү быhан ылыллар;

- эргэ, үѳннээх тэллэйи хомуйумаҥ;

- дьиэҕэ аҕалан баран, тэллэйгитин тута ыраастааҥ, астааҥ, куhаҕанын быраҕыҥ.

Оттон тэллэйтэн сүhүрүү чинчилэрэ билиннэхтэринэ, тута суhал кѳмѳҕѳ эрийиҥ. Эмчиттэр кэлиэхтэрин иннинэ хотуолуу сатааҥ, оттон кыаллыбатаҕына, куртаххытын туустаах уунан сууйтарыҥ эбэтэр активированный чоҕу иhиҥ.

Источник: «Парламент хаhыата».

Хаартыска аhаҕас источниктан ылылынна.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением