Издательский дом Редакция Подписка
Погода в Якутске: . -14 oC

Ил Дархан Айсен Николаев өрөспүүбүлүкэ 100 сыллаах үбүлүөйүн бэлиэтиир сылы уопсастыбаҕа ийэ уонна дьиэ кэргэн оруолларын үрдэтэр сыалтан Ийэ сылынан биллэрбитэ.

Ил Дархан Айсен Николаев өрөспүүбүлүкэ 100 сыллаах үбүлүөйүн бэлиэтиир сылы уопсастыбаҕа ийэ уонна дьиэ кэргэн оруолларын үрдэтэр сыалтан Ийэ сылынан биллэрбитэ.

Сыл бэлиэтин, логотибын, оҥорууга өрөспүүбүлүкэ дизайнердара, худуоһунньуктара, учуонайдара уонна норуот маастардара кытыннылар. Саха символикатыгар сыһыаннаах элбэх үлэни, ол иһигэр Борис Неустроев-Мандар Уус, Светлана Петрова, Александр Егоров, Парасковья Макарова уо.д.а. үлэлэрин чинчийдилэр.

Экспертэринэн история наукатын кандидата, фольклор уонна култуура кафедратын доцена, Арассыыйа Худуоһунньуктарын сойууһун чилиэнэ Светлана Петрова, Мандар Уус үөрэнээччитэ, норуот маастара Парасковья Макарова үлэлээтилэр. АГИКИ устудьуоннарыгар ыытыллыбыт Ийэ уонна оҕо эскиһин оҥоруу куонкуруһугар экспердинэн Арассыыйа Худуоһунньуктарын сойууһун чилиэнэ Эдита Степанова үлэлээтэ. Ити курдук элбэх киһи биир сүбэнэн үлэлээн, сыл бэлиэтин оҥордулар.

Логотип бырайыагын ортотугар оҕотугар нөрүйбүт ийэ ойууланна, оҕото ийэтигэр илиитин даллаппыт. Бу уобарас ийэ уонна оҕо быстыспат ситимнээхтэрин, ийэ буолуу дьолун кэрэһилиир. Ийэ суһуоҕар айылҕа кэрэтин, дьолу уонна туруктаах олоҕу көрдөрөр сардаана сибэкки иилиллибит.

Оҕолоох ийэ ойуута дурда-хахха бэлиэтин күөнүгэр олордуллубут, итиэннэ үс кэккэ оһуорунан төгүрүтүллүбүт. Бастакы кэккэҕэ тараах ойуу оҥоһуллубут, бу – өлгөм үүнүү бэлиэтэ. Иккис кэккэҕэ саҥа олох үөскээһинин көрдөрөр, үүнэр сүһүөх ыччакка алгыс уонна харыстабыл бэлиэтэ – «хой муоhа» оһуор, үһүс кэккэҕэ харыстыыр-араҥаччылыыр суолталаах – «илим хараҕа» оһуор оҥоһуллубут. Төрдүс, сүрүн ойууга чугас, оһуор дьоллоох олоҕу, удьуору ууһатыыны көрдөрөр. Бу логотип Ийэ сылыгар аналлаах бары дьаһалларга туттуллуоҕа диэн Үлэ уонна социальнай сайдыы министиэристибэтэ иһитиннэрэр.

9b05814a 9d39 475c b282 7cbb7ad57bc5

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23