Индийскэй коронавирус штаммын (В. 1.617) былырыын 2020 сыл алтынньы ыйыгар булбуттара, ол кэннэ саҥа эбии үс көрүҥ баарын быһаарбыттара: В. 1.617.1, В.1.617.2 («дельта») уонна В.1.617.3. Вирус штаммнарын уратылара - спайковай белоктарыгар хас да мутациялаах буолар. Оттон бу сыл бэс ыйыгар Индия Махараштра штатыгар «Дельт плюс» (В. 1.617.2.1) көрүҥэ көстүбүтэ.
- Киһи чопчу ханнык ыарыыга сутуллубутун, тас бэлиэлэринэн, симптомнарынан көрөн быһаарар кыаллыбат. Вирус геномун лабораторияҕа секвенирование ньыматынан эрэ быһаараллар. Оттон салгыы тутаах мутациятын үөрэтэн штамм көрүҥүн быһаарар кыахтанар, - диэн иһитиннэриигэ этиллэр.
Дельта-штамм вирус симптомнара: сөтөл, лихорадка, сыты уонна амтаны билбэт буолуу, уо.д.а. Ону таһынан, ОРВИ уонна оһоҕос инфекциятыгар майгынныыр симптомнар эбиллэллэр: төбө, күөмэй ыарыыта уонна диарея (куртах ыарыыта). Биэдэмистибэҕэ бэлиэтэммитинэн, сөптөөх болдьоххо сөп түбэһиннэрэн ыарыыны быһаарарга ПЦР- тест көмөлөһөр.
- ПЦР-тест киһиэхэ SARS-CoV2 вирус баарын көрдөрөр диэн өйдүөххэ наада, чопчу вирус ханнык штамма буолара быһаарыллыбат», - диэн Роспотребнадзорга быһааран биэрдилэр.
Санаттахха, Вьетнам учуонайдара коронавирус саҥа көрүҥүн – аны британскай уонна индийскэй штаммнар булкуспут гибридтэрин булбуттара. Бу вирус киһиттэн киһиэхэ ордук түргэнник бэриллэр уратылаах. Доруобуйа харыстабылын миниистирэ Нгуен Тхань Лонг эппитинэн, Бакзянг уонна Бакнинь диэн хотугу провинцияларга коронавирус «төрдүс долгуна» маассабайдык тарҕаммыт.
-
0
-
0
-
0
-
0
-
0
-
0
