Бу боппуруоска Ил Түмэн наукаҕа, үөрэххэ, култуураҕа, сонуну киэҥник тарҕатыыга уонна уопсастыбаннай тэрилтэлэр дьыалаларыгар сис кэмитиэтин бэрэссэдээтэлэ Феодосия Габышева: «Төрүт тылынан үөрэнии бырааба СӨ Конституциятын 22-с ыстатыйатын 4-с пуунунан мэктиэлэнэр.
Итини тэҥэ, бу быраап тутуһуллуохтааҕын туһунан «РФ Үөрэҕин туһунан» сокуонун 14-с уонна «СӨ Үөрэҕин туһунан» сокуонун 6-с ыстатыйаларыгар сурулла сылдьаллар. РФ Үөрэҕин министиэристибэтинэн бигэргэммит федеральнай стандарка төрүт тылы үөрэтии эмиэ баар. Ил Түмэн төрүт тылынан үөрэтиини хонтуруолга өрүү тутар. Батсаапка Ил Түмэн төрүт тылынан үөрэтии тохтотуллуохтааҕын туһунан уларытыыны киллэрбит диэн иһитиннэрии төрдүттэн олоҕо суох”, - диэн быһааран биэрдэ.
Бүгүн киэһэ 7 чаастан «Саха» НКИК "Талбан" телебиэриитигэр Феодосия Габышева төрүт тылы үөрэтии боппуруостарын туһунан сиһилии кэпсээбитин көрүҥ.
-
0
-
0
-
0
-
0
-
0
-
0
