Ол курдук, эһиил М.К. Аммосов аатынан ХИФУ, Мииринэйдээҕи тэхиньиичэскэй колледж, Соҕуруу Саха сирин тэхиньиичэскэй колледжа, Үөһээ Бүлүүтээҕи техникум, Жатайдааҕы техникум уонна Дьокуускайдааҕы мэдиссиинэ колледжа саҥа оборудованиенан хааччыллыахтара.
Ити сыалга федеральнай бүддьүөттэн 214,6 мөл солк, өрөспүүбүлүкэ бүддьүөтүттэн – 22,5 мөл солк көрүллүбүттэр. Бу үбү-харчыны туһанан үөрэх кыһаларыгар 28 аныгы мастарыскыайы арыйыахтара. Мастарыскыайдарга устудьуоннар информационнай коммуникационнай технологияларга, бырамыысыланнас уонна инженерия технологияларыгар үөрэниэхтэрэ.
Бу национальнай бырайыак 2019-2024 сс үлэлиирэ былааннанар. Уопсай бүддьүөтэ 784,5 млрд солк. Бырайыак толору олоххо киирдэҕинэ, Арассыыйа үөрэҕэ бүтүн аан дойду үөрэҕин систиэмэтин кытта тэҥҥэ күрэстэһэр таһымҥа тахсыахтаах. Бүтэһиктээх сыалынан – РФ аан дойдуга үөрэҕин уонна идэтийии хаачыстыбатынан 10 бастыҥ дойду ахсааныгар киириэхтээх.
-
0
-
0
-
0
-
0
-
0
-
0
