“Бастыҥ кылаас салайааччыта-2020” өрөспүүбүлүкэтээҕи куонкурс түмүгүнэн Мииринэй улууһун учуутала Анна Матафонова бастыҥ кылаас салайааччытынан ааттанна.
Куонкурс балаҕан ыйын 15-17 күннэригэр буолан ааста. Анна Матафонова Мииринэй улууһун Политехническай лиссиэйигэр аангылыйа тылын үөрэтэр.
Быйылгы куонкурс “Личность личноһы иитэр” диэн девиһинэн барда. Ити олус суолталаах тезис. Ол курдук, кылаас салайааччыта аҥаардас тэрийээччи эрэ буолбатах, кини оҕо кэлэктиибин дьиҥнээх дирижера, салайааччыта. Кылаас салайааччытын сатабыла педагогическай билиигэ-көрүүгэ, үөрүйэххэ уонна оҕо ис эйгэтин өйдүүр дьоҕурга олоҕурар. Икки күннээх онлайн куонкурс түмүгүнэн Анна өрөспүүбүлүкэтээҕи тэрээһин муҥутуур кыайыылааҕынан буолла, – диэн Мииринэй улууһун дьаһалтатын пресс-сулууспата иһитиннэрэр.
-
0
-
0
-
0
-
0
-
0
-
0
