Издательский дом Редакция Подписка
Погода в Якутске: . -12 oC

2021-2022 сс. үөрэх дьылыгар бэлэмнэнии үлэлэрин боппуруостарын СӨ Бырабыыталыстыбатын бэрэссэдээтэлин солбуйааччы Сергей Местников ыыппыт мунньаҕар дьүүллэстилэр диэн СӨ Ил Дарханын уонна Бырабыыталыстыбатын пресс-сулууспата иһитиннэрдэ.

2021-2022 сс. үөрэх дьылыгар бэлэмнэнии үлэлэрин боппуруостарын СӨ Бырабыыталыстыбатын бэрэссэдээтэлин солбуйааччы Сергей Местников ыыппыт мунньаҕар дьүүллэстилэр диэн СӨ Ил Дарханын уонна Бырабыыталыстыбатын пресс-сулууспата иһитиннэрдэ.

Сергей Местников СӨ Ил Дархана Айсен Николаев тустаах Ыйааҕын бырайыага сөбүлэһиигэ сылдьарын, үөрэх хаамыытын тэрийиигэ улуустарынан үөрэх тэрилтэлэригэр саҥа сүбэлэр ыйыллыбыттарын бэлиэтээтэ.

Биэдэмистибэлэр икки ардыларынааҕы хамыыһыйа былаан быһыытынан эбийиэктэри көрүү, докумуонунан тутуу бу сыл ыам ыйын 31 күнүттэн саҕаланан, бүгүн, атырдьах ыйын 20 күнүгэр, түмүктэнэр. Атырдьах ыйын 18 күнүнээҕи туругунан, хамыыһыйа уопсайа,1187 (87%) үөрэх эбийиэктэрин үлэҕэ туппут: 578 оскуола (90%), 497 оскуола иннинээҕи тэрилтэ (91%), 165 эбии үөрэхтээһин тэрилтэтэ (91%). Эбийиэктэринэн үлэни туттарыы ыйыллыбыт болдьохтон хаалыы ордук Бүлүү (2), Кэбээйи (22), Чурапчы (3) улуустарыгар уонна Дьокуускай куоракка (12) бэлиэтэнэр.

IMG 20210819 WA0043

Үөрэх дьылын саҕаланыыта үс саҥа эбийиэк – Хаҥалас улууһун Өктөм сэлиэнньэтигэр «Үөрэх» национальнай бырайыагынан 220/100 миэстэлээх оскуола-уһуйаан, Дьокуускай куоракка 360 миэстэлээх оскуола, 85 миэстэлээх уһуйаан аһыллыахтара.

Балаҕан ыйын 1 күнүгэр барыта 148,5 тыһ үөрэнээччигэ, ол иһигэр 16 тыһ. маҥнайгы кылааска киирэр оҕолорго саҥа үөрэх дьыла очно саҕаланыаҕа. Роспотребнадзор ирдэбилинэн, харыстанар сириэстибэлэринэн өрөспүүбүлүкэ үрдүнэн бары үөрэх тэрилтэлэрэ хааччылыннылар, санитарнай-эпидемиологическай ирдэбили тутуһан үлэлиэхтэрэ. 

Интэринээккэ киирбит оҕолор 14 күн устата дьиэҕэ олоруу эрэсиимин тутуһуохтара. Өскөтүн улууска хааччахтааһын миэрэлэрэ күүһүрдэҕинэ, эбэтэр ыксаллаах быһыы-майгы биллэрилиннэҕинэ, үөрэҕи дистанционнай ньымаҕа көһөрүөхтэрэ.

IMG 20210819 WA0045

Билии күнүн тэрээһиннэрэ дьаҥы утары миэрэлэри тутуһуннаран, кылаастарынан ыйыллыбыт болдьох быһыытынан тэриллиэҕэ. Хааччахтааһын күүһүрэр түгэнигэр, тэрээһиннэри дистанционнай ньыманан ыытыахтара.

Учууталларга уонна үөрэх тэрилтэлэрин бары үлэһиттэригэр коронавирустан утары быһыы биэрии салҕыы ыытыллар. Атырдьах ыйын 18 күнүнээҕи туругунан, үөрэх эйгэтин үлэһиттэрэ 74,41 %-нара дьаҥтан утары быһыы ылбыттара биллэр. Ордук элбэх  Муома улууһугар - 93,61%, намыһах көрдөрүү Хаҥалас улууһугар - 63,14%.

СӨ Бырабыыталыстыбатын бэрэссэдээтэлин солбуйааччы Сергей Местников бэлиэтииринэн, атырдьах ыйын 25 күнүгэр диэри  үөрэх тэрилтэлэрин эбийиэктэрин 100% бэлэмниири ситиһэллэрэ ирдэнэр. СӨ Үөрэх уонна билим министиэристибэтигэр атырдьах ыйын 25 күнүгэр улуустары кытта видео-сибээһинэн мунньах ыытарыгар сорудахтанна. 

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23