Быйылгы кэмпириэнсийэҕэ 34 улуустан, ити иһигэр куораттарыттан, барыта 1816 кыттааччы 1610 үлэтин аҕалан, 35 сиэксийэҕэ арахсан, билиһиннэрэ, көмүскүү сылдьаллар. Эспиэртиир хамыыһыйаҕа 346 учуонай, аспираннар, магистраннар уонна устудьуоннар, сиэксийэлэринэн хайдыһан, үлэлии олороллор.
Кэмпириэнсийэ ирдэбилинэн кыттааччыларынан 5-11 кылаас үөрэнээччилэрэ буолаллар. Эдэр чинчийээччилэр үлэлэрэ олус наадалаах хайысхаларга олоҕурбуттар. Ол курдук, тыаны баһаартан харыстааһын, тыаны чөлүгэр түһэрии, ирбэт тоҥу үөрэтии, күннээҕи олоххо-дьаһахха туттар тээбириннэр, о.д.а. араас дьон кыһалҕатын быһаарар тиэмэлэргэ тирэҕирбиттэр.
Салайааччылар бэлиэтииллэринэн, быйылгы күрэх РФ Үөрэҕин министиэристибэтин иһинэн ыытыллар тэрээһиннэргэ киирбитэ, кини аартыгын кэҥэтэр уонна кыттааччылары биһириир көрүҥэ тэнийэр. Ол курдук, кэмпириэнсийэ кыайыылаахтара, кылааһыттан тутулуга суох, ЕГЭ-лэрин түмүгэранал эбии бааллары ылыахтара уонна ол үрдүк үөрэх кыһатыгар киирэллэригэр күүс-көмө, өйөбүл буолуоҕа.
В.П. Ларионов аатынан ыытыллар «Инникигэ хардыы» өрөспүүбүлүкэтээҕи кэмпириэнсийэ СӨ Үөрэҕин министиэристибэтэ, СӨ наукатын Алын академията, М.К. Аммосов аатынан Хотугулуу-Илиҥҥи федеральнай университет уонна Саха Сирин научнай киинин өйөбүллэринэн ыытыллар.
Санатар буоллахха, бу научнай кэмпириэнсийэ 1996 сылтан ыытыллар. Тэрээһин сыалынан эдэр көлүөнэни наука эйгэтигэр киллэрэн, чинчийэр дьоҕуру угуттаан, дойдуларыгар туһалаах дьону иитии буолар.
-
0
-
0
-
0
-
0
-
0
-
0
