Ол туһунан «Саха сирэ, инники!» биэриигэ өрөспүүбүлүкэ Баһылыга Айсен Николаев кэпсээтэ.
«Парламеҥҥа туһаайан Анал этиигэ үлэ барыахтаах кэккэ хайысхаларын сырдаппытым. Ийэ буолуу оруолун үрдэтиинэн дьарыктанар уонна өйүүр уопсастыбаннай тэрилтэлэргэ ананар грант кээмэйэ икки төгүл үрдүөҕэ. Ону таһынан оҕо ииттэ ылбыт дьиэ кэргэҥҥэ ананар төлөбүрдэрин икки төгүл улаатыннардыбыт", - диэтэ баһылык.
- Ийэ сылын чэрчитинэн биэс уонна онтон элбэх оҕолоох ыаллары олорор дьиэнэн хааччыйыыга ордук болҕомто ууруллуоҕа, - диэтэ Айсен Николаев - Билигин олох- дьаһах усулуобуйатын тупсарыыга 1800 дьиэ кэргэн уочаракка турар.
Ил Дархан бырабыыталыстыба иннигэр бу кыһалҕаны чугастааҕы биэс сыл устата быһаарарга сорудахтаабыта.
Өрөспүүбүлүкэ 100 сылыгар Саха сиригэр күн сирин көрбүт оҕолорго «Үйэ оҕолоро» тус сыаллаах хапытаалтан 100 тыһ. солк. түҥэтиэхтиэрэ.
-
0
-
0
-
0
-
0
-
0
-
0
