Владивостокка кыылларга аналлаах «МЕГАПРИЮТ» тутуллуоҕа
Издательский дом Редакция Подписка
Погода в Якутске: . -41 oC

Сотору кэминэн «Биир ньыгыл Арассыыйа» баартыйа Госдумаҕа көрүүтэ-истиитэ суох, бэйдиэ сылдьар кыыллар кыһалҕаларын быһаарар сокуон барылын оҥорон киллэриэҕэ. Докумуонунан муниципалитеттарга приюттары тутууга көҥүл биэрэр.

Сотору кэминэн «Биир ньыгыл Арассыыйа» баартыйа Госдумаҕа көрүүтэ-истиитэ суох, бэйдиэ сылдьар кыыллар кыһалҕаларын быһаарар сокуон барылын оҥорон киллэриэҕэ. Докумуонунан муниципалитеттарга приюттары тутууга көҥүл биэрэр.

Сокуон барылынан судаарыстыбаннай-чааһынай партнерство мэхэньиисимнэрин туһанан, муниципалитеттарга приюттары тутан, үлэҕэ киллэрэн,  тыыҥаан турар боппуруостары быһаарыаҕа диэн URA.RU суруйар.

Бу кыһалҕаны быһаарары, Уһук Илин уокурукка, чуолаан Владивостокка, күүтэллэр. Владивостокка хайыы-үйэ дойду туһугар ураты суолталаах «мега» бырайыагы оҥордулар. Олохтоох уопсастыбанньыктар бэйдиэ сылдьар ыттартан куорат нэһилиэнньэтин быыһыыр бырайыак дойду үрдүнэн холобур буолан тарҕаныа диэн эрэнэллэр.

«Биһиги приют үлэтигэр эбии икки хайысханы килэриэхпит – социализациялааһыны уонна дьиэ кэргэҥҥэ тиксэр кыыллары адаптациялааһыны», - диэн Владивосток дьаһалтатын баһылыгын солбуйааччы Азат Ислаев бэлиэтиир. 

Кини этэринэн, бырайыак тэриллиитэ түһүмэхтэринэн киириэҕэ. Докумуон чааһыгар барыта  бэлэм. Кулун тутарга экспертизаҕа ыытыллыаҕа, ыам ыйыгар приют тутуута саҕаланара сабаҕаланар. Итиэннэ алтынньы ыйга, үлэ былаанын быһыытынан бардаҕына, кыылларга вольердар, үлэһиттэргэ анал хостор уонна ыттары салгыҥҥа көччүтэр былаһааккалар баар буолуохтара. Кэлин куорат дьаһалтата федеральнай бас билиититтэн өссө биир сир учаастагын ыларга суоттанар уонна куорат дог-пааркатын тэрийэргэ суоттанар.

d188914b6d27f2bf4a3c89dfe3388428

Госдума экологияҕа, айылҕа ресурсаларыгар уонна тулалыыр эйгэни харыстааһыҥҥа кэмитиэтин бэрэссэдээтэлин бастакы солбуйааччы Владимир Бурматов иһитиннэрэринэн, билигин дойду үрдэн приюттарга наадыйыы үрдүк. Муниципалитеттарынан приюттары тутууга үбүлээһин тиийбэт. Федеральнай сокуонунан олохтоох салайыныы уорганнара инвестордар үптэрин туһанар бырааптара суох, ол курдук  судаарыстыбаннай-чааһынай партнерство мэхэньиисиминэн приюттары тутан үлэҕэ киллэрэр көҥүллэммэт. Бу пууну федеральнай сокуоҥҥа уларытар былааннаахтар.

Кини маннык бырайыактар инвестордары интэриэһиргэтиэхтэрин сөп диэн эрэнэр. «Инвестордар үгүөрү дохуоту аахсыбаттар, ол эрэн бырайыак барыстаах буолуон сөп», - диэн Владимир Бурматов сабаҕалыыр. Билигин Владивосток куоратыгар бөдөҥ «мегабырайыак» оҥорон, олоххо киллэрэри былаанныыллар. Приюкка кинологтар уонна зоопсихологтар үлэлиэхтэрэ. Саҥа приютка вольердары таһынан, веткилииникэ, гостиница уонна спорт эбийиэктэрэ баар буолуохтара. «Мин бу бырайыагы көрбүтүм. Былааннамыт үлэ кыаллыа уонна көдьүүстээх буолуо диэн эрэнэбин», - диэн Бурматов бэлиэтиир. Ол курдук, дойду үрдүнэн аан бастакынан Владивостокка куорат ыалдьыттарын, олохтоохторун угуйар кыылларга «мегаприют» киинэ тутуллуоҕа.

  • 0
  • 0
  • 0
  • 0
  • 0
  • 0

Комментарии (3)

This comment was minimized by the moderator on the site

Ону маны онороннор. Бу кэриэтэ бомжтарга приюттары тутан биэрдиннэр. Туох дии саныыгыт?

This comment was minimized by the moderator on the site

Бюджет харчытын ыттарбытыгыр ыскайдаан эрэллэр эбит. Бу того ким да мера ылбат, теьелеех элбэх киьи харчыга наадыйара буолуой, биьиги дьоммут теттерутун гостиница туттаран эрдэхтэрэ.

This comment was minimized by the moderator on the site

Депутаттары тохтотуохха. Тугу да сатаан быһаарбаттар

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Спецпроекты

Саха Сирин «Олохтоох каадырдары промышленноска» бырайыага эдэр ыччаты үлэнэн хааччыйыы бастың практикаларын Бүтүн Россиятааҕы куонкуруhун финалыгар таҕыста

«Олохтоох каадырдары промышленноска» ѳрѳспүүбүлүкэтээҕи бырайыак ыччаты үлэнэн хааччыйыы…
07.12.22 20:49