РФ субъегын баһылыга сокуон барылынан эрэгийиэн кылаабынай чунуобунньуга уонна эрэгийиэҥҥэ федеральнай чунуобунньук быһыытынан ааҕыллыаҕа. Сокуон барылын саҥа киллэриллэр нуорманан, РФ субъегын баһылыга дуоһунаһыттан туоратыллыбыт буоллаҕына, биэс сыл устатыгар хаттаан үлэлиир быраабатыттан быһыллар.
Федерация субъектара баһылык дуоһунаска олорор болдьоҕун бэйэлэрэ быһаарыахтара. Билигин сокуонунан субъект баһылыга үрдүкү дуоһунаска икки болдьохтон ордук талыллара көҥүллэммэт. Маны таһынан, эрэгийиэн баһылыга итэҕэлин сүтэрбит куорат мэрын дуоһунаһыттан ууратар кыахтанар. Ити курдук, Бэрэсидьиэн итэҕэлин сүтэрбит эрэгийиэн баһылыга эмиэ дуоһунаһыттан уһуллуон сөп.
«Бу көдьүүһү, хонтуруолу уонна эппиэтинэһи үрдэтэр балаһыанньалар. Аһаҕас былаас туһунан саҥа сокуон үс постулата буолар», - диэн Госдумаҕа «Биир ньыгыл Арассыыйа» фракция салайааччытын бастакы солбуйааччы Дмитрий Вяткин суруналыыстарга быһаарда. Субъект парламеныгар сокуон барылын көҕүлээччи испииһэгэр субъект борокуруора киирэн биэрэр.
«Докумуон иккис ааҕыытыгар кэккэ суолталаах уларытыылар киирбиттэрэ», - диэн Госдума судаарыстыбаннай тутууга уонна сокуоннаһыыга кэмитиэтин баһылыга Павел Крашенинников кэпсээтэ. Чуолаан, парламентарийдар Госдума бэрэсээдээтэлэ Вячеслав Володин уонна Федерация Сэбиэтин спикерэ Валентина Матвиенко киллэрбит көннөрүүлэрин бырайыактарынан, эрэгийиэннэринэн сыанабылы ыларга 30 хонуктаах болдьоҕунан хаалла. Ол эрэн, регламент бэрээдэгинэн бу болдьох 15 хонукка диэри сарбыллыан сөп. Сокуон барылын бастакы балаһыанньатынан, сыанабылы ыларга 15 күннээх болдьоххо диэри тарҕаталлара көрүллэрэ.
«Биһиги Российскай Федерация былааһын уорганнарын боломуочуйаларын кэҥэтэбит, үгүс боппуруостар субъектарга ылыллыахтара», - диэтэ Госдума бэрэссэдээтэлэ Вячеслав Володин.
-
0
-
0
-
0
-
0
-
0
-
0
