Өлүөхүмэлэр баскыһыанньаҕа куорат саҥа баһылыгын таллылар.
"Өлүөхүмэ" куорат муниципальнай тэриллии быыбардыыр хамыыһыйатын боломуочуйатын сүгэр Өлүөхүмэтээҕи ТИК болдьох иннинээҕи быыбар барыллааһын түмүгүн таһаарда.
"Быыбарга кэлии 36,80% буолбут. Куоластар бу курдук тарҕаммыттар:
Несмелов Иван Александрович (БИИР НЬЫГЫЛ АРАССЫЫЙА) – быыбардааччылар куоластарын 37,03 %;
Щебляков Сергей Евгеньевич (бэйэни туруорунуу) – быыбардааччылар куоластарын 50,97 %.
Инньэ гынан, Өлүөхүмэ куорат баһылыгынан Щебляков Сергей Евгеньевич талылынна", - диэн кэпсээтилэр КБХ-ҕа.
Хамыыһыйа дааннайынан, үҥсүү уонна быыбар сокуоннарын кэһии бэлиэтэммэтэҕэ.
- 0
- 0
- 0
- 0
- 0
- 0